പൊലീസ് ഉദ്യോഗസ്ഥനെ ആക്രമിച്ചു, പിന്നാലെ കോടതി കെട്ടിടത്തില്‍ നിന്ന് താഴേക്ക് ചാടി രക്ഷപ്പെടാന്‍ ശ്രമം; യുവാവ് പിടിയില്‍; സംഭവം കോഴിക്കോട്‌

കോഴിക്കോട്: പൊലീസ് ഉദ്യോഗസ്ഥനെ ആക്രമിച്ച് കോടതിയില്‍ നിന്ന്‌ രക്ഷപ്പെടാന്‍ ശ്രമിച്ച യുവാവ് പിടിയില്‍. ചേവായൂർ പൊലീസ് സ്റ്റേഷനിലെ മോഷണക്കേസ് പ്രതി അഭിനന്ദാണ് രക്ഷപ്പെടാന്‍ ശ്രമിച്ചത്.

കോഴിക്കോട് ജുഡീഷ്യൽ ഫസ്റ്റ്ക്ലാസ് മജിസ്ട്രേറ്റ് കോടതിയിലാണു സംഭവം. എസ്കോർട്ട് പൊലീസ് ഉദ്യോഗസ്ഥനായ ശ്രീകേഷിന്റെ കഴുത്തിന് പിടിച്ച് തള്ളിയശേഷം കോടതി കെട്ടിടത്തിൽനിന്നു താഴേക്കുചാടി രക്ഷപ്പെടാനായിരുന്നു ഇയാളുടെ ശ്രമം.

ഇയാളെ പിന്നാലെ പൊലീസ് പിടികൂടി. പരിക്കേറ്റ പൊലീസ് ഉദ്യോഗസ്ഥന്‍ ചികിത്സ തേടി.