പൊന്നാനിയിൽ കടന്നൽ കുത്തേറ്റ് വയോധികൻ മരിച്ചു

മലപ്പുറം: കടന്നൽ കുത്തേറ്റ് പൊന്നാനി എരമംഗലത്ത് വയോധികൻ മരിച്ചു. പൊന്നാനി തൃക്കാവ് സ്വദേശി പുളിക്കത്തറയിൽ പി ആർ ഗോപാലകൃഷ്ണൻ ആണ് മരിച്ചത്. 74 വയസ്സായിരുന്നു. ജനുവരി 14ന് രാവിലെ ആയിരുന്നു അപകടം.

ക്ഷേത്രദർശനത്തിന് എത്തിയ ഗോപാലകൃഷ്ണനെ സമീപത്തെ മരത്തിൽ നിന്നുള്ള കടന്നൽ കൂട്ടങ്ങൾ ആക്രമിക്കുകയായിരുന്നു. കടന്നൽ ആക്രമണത്തിൽ മറ്റു നാലുപേർക്കും പരിക്കേറ്റു.