പൊന്നാനി ഖാദി ഗ്രാമോദ്യോഗ് ഭവനിൽ ഖാദി ഓണം മേള

പൊന്നാനി: കോഴിക്കോട് സർവ്വോദയ സംഘത്തിന്റെ പൊന്നാനി ഖാദി ഗ്രാമോദ്യോഗ് ഭവനിൽ ഖാദി ഓണം മേള-2025 സി. ഹരിദാസ് ഉദ്ഘാടനം ചെയ്തു‌. ഉണ്ണികൃഷ്ണൻ പൊന്നാനി ആധ്യക്ഷ്യം വഹിച്ചു. 

ഖാദി തുണിത്തരങ്ങൾക്ക് 30% റിബേറ്റും 50 ലക്ഷം രൂപയുടെ സമ്മാന പദ്ധതികളും ആസൂത്രണം ചെയ്തിട്ടുണ്ട്. ബാങ്ക്, പൊതുമേഖല സ്ഥാപനങ്ങളിലെ ജീവനക്കാർ എന്നിവർക്ക് പലിശ രഹിത തവണ വ്യവസ്‌ഥയിൽ ക്രെഡിറ്റ് സൗകര്യവും ഏർപ്പെടുത്തിയിട്ടുണ്ട്. സെപ്റ്റംബർ 4 വരെ മേള തുടരും. രാവിലെ 10 മുതൽ രാത്രി 7 വരെ ഖാദി ഭവൻ പ്രവർത്തിക്കും.

ആദ്യവിൽപന ജെ.പി. വേലായുധൻ ഏറ്റ് വാങ്ങി. ഡി.സി.സി ജനറൽ സെക്രട്ടറി ടി.കെ. അഷറഫ്, സർവോദയ സംഘം ട്രഷറർ കെ.എം.വിജയ പ്രകാശ്, സെക്രട്ടറി എം.കെ.ശ്യാംപ്രസാദ്, ഖാദി ഭവൻ മാനേജർ വി.സുരേഷ് ബാ ബു എന്നിവർ പ്രസംഗിച്ചു.