അട്ടപ്പാടിയിൽ തണ്ടപ്പേര് ലഭിക്കാത്തതിനെ തുടർന്ന് കർഷകൻ ആത്മഹത്യ ചെയ്ത സംഭവം: അഗളി വില്ലേജ് ഓഫീസറുടെ ഭാഗത്ത് വീഴ്ച സംഭവിച്ചിട്ടില്ലെന്ന് അന്വേഷണ റിപ്പോർട്ട്

പാലക്കാട്:  അട്ടപ്പാടിയിൽ തണ്ടപ്പേര് ലഭിക്കാത്തതിനെ തുടർന്ന് കർഷകൻ ആത്മഹത്യ ചെയ്ത സംഭവത്തിൽ അഗളി വില്ലേജ് ഓഫീസറുടെ ഭാഗത്ത് വീഴ്ച സംഭവിച്ചിട്ടില്ലെന്ന് അന്വേഷണ റിപ്പോർട്ട്.

അട്ടപ്പാടി ലാൻഡ് അക്വിസിഷൻ ഡെപ്യൂട്ടി കളക്ടർ എസ്. ശ്രീജിത്ത് ജില്ലാ കളക്ടർക്ക് നൽകിയ റിപ്പോർട്ടിലാണ് ഈ പരാമർശമുള്ളത്.

ഇരട്ടകുളം സ്വദേശിയായ കൃഷ്ണസ്വാമിയാണ് സ്വന്തം കൃഷിയിടത്തിൽ തൂങ്ങിമരിച്ചത്. 

തണ്ടപ്പേര് ലഭിക്കാനായി കഴിഞ്ഞ ആറ് മാസമായി ഭർത്താവ് വില്ലേജ് ഓഫീസിൽ കയറി ഇറങ്ങുകയായിരുന്നു എന്നും റവന്യൂ ഉദ്യോഗസ്ഥർ മോശമായി പെരുമാറിയെന്നും കൃഷ്ണസ്വാമിയുടെ ഭാര്യ കമലത്താണ് ആരോപിച്ചിരുന്നത്.