മുന്നണികളും, സ്ഥാനാർത്ഥികളും സ്വീകരിക്കുന്ന നിഷേധാത്മകമായ നടപടിയിൽ പ്രതിഷേധം; 'നോട്ടക്ക് വോട്ട്' കൊടുക്കുമെന്ന് പാലക്കാട് മെഡിക്കൽ കോളേജ് സമര സമിതി

പാലക്കാട്‌: പാലക്കാട് മെഡിക്കൽ കോളേജ് വിഷയത്തിൽ മുന്നണികളും, സ്ഥാനാർത്ഥികളും സ്വീകരിക്കുന്ന നിഷേധാത്മകമായ നടപടിയിൽ പ്രതിഷേധിച്ചു കൊണ്ട് 'നോട്ടക്ക് വോട്ട്' കൊടുക്കും.

പാലക്കാട് മെഡിക്കൽ കോളേജ് വിഷയത്തിൽ മുന്നണികൾ നയവും, നിലപാടും വ്യക്തമാക്കണമെന്നാവശ്യപ്പെട്ട് യൂ.ഡി.എഫ്, എൽ.ഡി.എഫ്, എൻ.ഡി.എ മുന്നണികൾക്കും, മുന്നണി സ്ഥാനാർകൾക്കും പാലക്കാട് ഗവ: മെഡിക്കൽ കോളേജ് സമര സമിതി നേരിൽക്കണ്ട് കത്ത് കൊടുത്തിരുന്നു. 

മുന്നണികളും, സ്ഥാനാർത്ഥികളും ആരും തന്നെ അനുകൂല നിലപാട് അറിയിക്കാത്തതുകൊണ്ട് 'നോട്ടക്ക് വോട്ട്' കൊടുക്കുവാൻ സമ്മതിദായകരോട് അഭ്യർത്ഥിച്ചു പ്രചാരണം നടത്താൻ 2024 നവംബർ 18 ന് രാത്രി 7 മണിക്ക് കൂടിയ പാലക്കാട് ഗവ: മെഡിക്കൽ കോളേജ് സമര സമിതിയുടെ അടിയന്തിര ജനറൽ ബോഡി യോഗം തീരുമാനിച്ചു. 

പാലക്കാട് മെഡിക്കൽ കോളേജ് വിഷയത്തിൽ മുന്നണികളും, സ്ഥാനാർത്ഥികളും സ്വീകരിക്കുന്ന നിഷേധാത്മകമായ നടപടിയിൽ പാലക്കാട് ഗവ: മെഡിക്കൽ കോളേജ് സമര സമിതി യോഗം ശക്തമായി പ്രതിഷേധിച്ചു. 

പാലക്കാട് ഗവ: മെഡിക്കൽ കോളേജ് സമര സമിതി ചെയർമാൻ ആറുമുഖൻ പത്തിച്ചിറ അധ്യക്ഷത വഹിച്ചു. യോഗത്തിൽ കൺവീനർ റെയ്മൻ്റ് ആൻ്റണി, വി.എം.ഷൺമുഖദാസ്, സി.കൃഷ്ണദാസ്, വിളയോടി ശിവൻകുട്ടി, എന്നിവർ സംസാരിച്ചു.