സമഗ്ര വെൽനെസ് എഡ്യൂക്കേഷൻ സൊസൈറ്റിയുടെ നവീകരിച്ച ഓഫീസ് റൂം ഉദ്ഘാടനവും തയ്യല്‍ യൂണിറ്റിന്‍റെ ഉദ്ഘാടനവും നടത്തി

ഒലവക്കോട്: സമഗ്ര വെൽനെസ് എഡ്യൂക്കേഷൻ സൊസൈറ്റിയുടെ നവീകരിച്ച ഓഫീസ് റൂം ഉദ്ഘാടനം, പുതിയ സംരംഭമായ അമൃതശ്രീ തയ്യൽ യൂണിറ്റിൻ്റെ ഉദ്ഘാടനം, ഐഡി കാർഡ് വിതരണം, ക്രിസ്മസ് - ന്യൂ ഇയർ ആഘോഷം എന്നിവ നടത്തി. ഓഫീസ് റിട്ട. ഡിഡിഇ പി. കൃഷ്ണൻ, തയ്യൽ യൂണിറ്റ് അഡ്വ. നൈസ് മാത്യൂസ്, തിരിച്ചറിയൽ കാർഡ് വിതരണം ഡോ: ഫിറോസ് ഖാൻ, ക്രിസ്മസ്സ്, പുതുവത്സരാഘോഷം സായാഹ്നം ചീഫ് എഡിറ്റർ അസീസ് മാസ്റ്റർ എന്നിവർ ഉദ്ഘാടനം ചെയ്തു. 

സൊസൈറ്റി പ്രസിഡൻറ് സണ്ണി ജോസഫ് അദ്ധ്യക്ഷത വഹിച്ചു. സെക്രട്ടറി ജോസ് ചാലക്കൽ ആമുഖ പ്രഭാഷണം നടത്തി. പി.രാഗിണി, ഡോ: സോളമൻ പയസ്, അമൃതശ്രീ പ്രസിഡൻറ് സെൽവി, എന്നിവർ സംസാരിച്ചു. സെക്രട്ടറി ടി.കെ.സൗമ്യറിപ്പോർട്ട് അവതരിപ്പിച്ചു. സി.വി ബിജി നന്ദി പറഞ്ഞു. കേക്ക് വിതരണവും ഉച്ചഭക്ഷണവും ഉണ്ടായി.