സാമൂഹിക സേവനം നടത്തുന്ന സ്ത്രീകള്‍ക്ക് നല്‍കിവരുന്ന 'വിജയസ്മൃതി' പുരസ്കാരത്തിന് അപേക്ഷകൾ ക്ഷണിക്കുന്നു

പാലക്കാട്: പാലക്കാട് സീനിയർ ചേമ്പറിന്റെ ആഭിമുഖ്യത്തിൽ വർഷംതോറും നൽകിവരുന്ന "വിജയ സ്മൃതി" പുരസ്കാരത്തിന് അപേക്ഷകൾ ക്ഷണിക്കുന്നു. തന്‍റെ പരിമിതികൾക്കുള്ളിൽ ഒതുങ്ങി നിന്നുകൊണ്ട് സാമൂഹിക സേവനം നടത്തുന്ന സ്ത്രീകൾക്കാണ് പുരസ്കാരം നൽകി വരുന്നത്.

യാതൊരു സാമ്പത്തിക സ്രോതസ്സും ഇല്ലാതെ സാമൂഹിക സേവനത്തിന്  മുന്നിട്ടിറങ്ങുന്ന വനിതകളെയാണ് ഈ പുരസ്കാരത്തിന് തിരഞ്ഞെടുക്കുന്നത്. സംഘടനകൾക്കോ വ്യക്തികൾക്കോ പുരസ്കാര ജേതാവിനെ നിർദ്ദേശിക്കാവുന്നതാണ്.

10,000 രൂപയും അനുമോദന ഫലകവും അടങ്ങുന്നതാണ് അവാർഡ്. നോമിനേഷനുകൾ ഈ മാസം 31ന് മുൻപ് താഴെ കാണുന്ന മേൽവിലാസത്തിൽ അയക്കേണ്ടതാണ്. ഫെബ്രുവരി 8ന് സമുചിതമായ ഒരു ചടങ്ങിൽ വച്ച് അവാർഡ് വിതരണം ചെയ്യും. അഡ്വ. എസ്.ടി സുരേഷ്, കൺവീനർ, "വിജയസ്മൃതി പുരസ്കാരം", കൊപ്പം 678 001. ഫോൺ: 9447354088.