മലമ്പുഴയില്‍ അപകട ഭീഷണിയായി റോഡിലലയുന്ന കന്നുകാലികൾ. അധികൃതർ മൗനത്തിൽ

മലമ്പുഴ: ഒട്ടേറെ വിനോദ സഞ്ചാരികളും നാട്ടുകാരും സഞ്ചരിക്കുന്ന മലമ്പുഴയിലെ പ്രധാനറോഡിൽ കന്നുകാലികൾ അലഞ്ഞുതിരിഞ്ഞു നടക്കുന്നത് അപകടസാധ്യത വർദ്ധിപ്പിക്കുന്നു. 

പല തവണ പരാതിപെട്ടിട്ടും പഞ്ചാത്ത് അധികൃതർ മാനം പാലിക്കുന്നതായി പരാതി.

റോഡിലലയുന്ന കാലികളുടെ ഉടമകൾക്ക് നോട്ടീസ് നൽകുക, ഫലമില്ലെങ്കിൽ പിഴ പണം വാങ്ങുക, എന്നിട്ടും ഫലമില്ലെങ്കിൽ കാലികളെ പിടിച്ചുകെട്ടി ലേലം ചെയ്ത് ആ തുക പഞ്ചായത്തിന്റെ ഖജനാവിലേക്ക് വരവ് വെക്കുക എന്നതാണ് നിയമമെങ്കിലും മലമ്പുഴ പഞ്ചായത്തിന് അതൊന്നും ബാധകമല്ലാത്ത നിലപാടാണ് ഉള്ളത്. 

ഇരുചക്ര വാഹനക്കാരാണ് കാലികളുടെ മേൽ വാഹനമിടിച്ച് അപകടം നേരിടുന്നത്.

രാത്രികളിൽ കറുത്ത നിറമുള്ള കാലികൾ റോഡിൽ കിടന്നാൽ കാണാൻ കഴിയാഞ്ഞതാണ് അപകടകാരണമെന്ന് പറയുന്നു.

പഞ്ചായത്ത് അധികൃതർ നടപടിയെടുത്ത് റോഡിലയുന്ന കാലികളെ നിയന്ത്രിക്കണമെന്ന് നാട്ടുകാരും വിനോദസഞ്ചാരികളും ആവശ്യപ്പെടുന്നു.