അരികിലുണ്ട് അധ്യാപകർ: കെ.എസ്.ടി.എ ടീച്ചേഴ്‌സ് ബ്രിഗേഡ് സംസ്ഥാന വ്യാപകമായി "സേ നോ ടു ഡ്രഗ്‌സ്‌ " എന്ന മുദ്രാവാക്യമുയർത്തി ലഹരിക്കെതിരെ ബോധവല്‍ക്കരണം നടത്തി

തിരുവനന്തപുരം: നാടിനെ കാർന്നുതിന്നുന്ന ലഹരിക്കെതിരെ "സേ നോ ടു ഡ്രഗ്‌സ്‌ " എന്ന മുദ്രാവാക്യമുയർത്തി അധ്യാപക പ്രസ്ഥാനമായ കെ.എസ്.ടി.എ സംസ്ഥാന വ്യാപകമായി ബസ് സ്റ്റാന്‍റുകള്‍, പൊതു ഇടങ്ങൾ എന്നിവ കേന്ദ്രീകരിച്ച് ഇന്ന് ബോധവൽക്കരണം നടത്തി. 

പാറശ്ശാല സബ്‌ ജില്ലാ ബോധവൽക്കരണ ക്യാമ്പയിൻ ഉത്ഘാടനം പ്രശസ്ത കവി വിനോദ് വൈശാഖി നിർവഹിച്ചു. സിന്തെറ്റിക് ലഹരി ഉയർത്തുന്ന ഭീഷണികൾ, മുൻകരുതലുകൾ, സമൂഹം സ്വീകരിക്കേണ്ട സമീപനങ്ങൾ എന്നിവയെപറ്റി ബസ് യാത്രക്കാരോട് വിശദീകരിക്കുകയും ലഘുലേഖ വിതരണത്തിന്റെ ഉത്ഘാടനവും നിർവഹിച്ചു. 

അധ്യാപക പ്രസ്ഥാനത്തിന്റെ സന്നദ്ധ സേനയായ ടീച്ചേഴ്‌സ് ബ്രിഗേഡിന്റെ നേതൃത്വത്തിലാണ് കേരളത്തിലെ ലഹരി വിമുക്തി പ്രവർത്തനങ്ങൾ സംഘടിപ്പിച്ചിട്ടുള്ളത്. സബ് ജില്ലാ സെക്രട്ടറി ഷിബു, ജില്ലാ ജോയിന്റ് സെക്രട്ടറി എസ് ജയചന്ദ്രൻ എന്നിവർ സംസാരിച്ചു.