തിരഞ്ഞെടുപ്പു തോൽവിയെച്ചൊല്ലിയുള്ള കൂട്ടത്തല്ല്; തൃശൂർ ഡിഡിസി പിരിച്ചുവിട്ടേക്കും; വി.കെ.ശ്രീകണ്ഠൻ താൽക്കാലിക ഡിസിസി പ്രസിഡന്റ്

തൃശൂർ: തൃശൂര്‍ ലോക്‌സഭാ മണ്ഡലത്തില്‍ കെ മുരളീധരൻ്റെ തോല്‍വിയെ തുടർന്നുണ്ടായ സംഭവവികാസങ്ങളിൽ നടപടിയെടുത്ത് കോണ്‍ഗ്രസ്. ഡിസിസി പ്രസിഡൻ്റ് ജോസ് വള്ളൂരിനെയും യുഡിഎഫ് കണ്‍വീനര്‍ എം പി വിന്‍സെൻ്റിനെയും ചുമതലകളില്‍ നിന്നും നീക്കും. പാലക്കാട്ടെ നിയുക്ത എംപി വി.കെ.ശ്രീകണ്ഠന് ഡിസിസി പ്രസിഡന്റിന്റെ താൽക്കാലിക ചുമതല നൽകി.

തമ്മിലടി രൂക്ഷമായതിനെ തുടർന്നാണ് ജില്ലയിലെ നേതാക്കളെ ഒഴിവാക്കി പാലക്കാട്ടെ നേതാവിന് ഡിസിസി ചുമതല നൽകിയത്.