വയനാട്ടിൽ ആട് കള്ളൻ പിടിയിൽ ! കാറിലെത്തി ആടുകളെ മോഷ്ടിച്ച്‌ ഒളിവിൽ കഴിഞ്ഞ പ്രതിയെ പോലീസ് പൊക്കിയത് ബം​ഗളൂരുവിൽ നിന്ന്

കൽപ്പറ്റ: അമ്പലവയൽ ആയിരംകൊല്ലിയിൽ നിന്നു ആടുകളെ മോഷ്ടിച്ച കേസിൽ ഒരാൾ കൂടി പിടിയിൽ. കേസിൽ നേരത്തെ മറ്റൊരാളേയും അറസ്റ്റ് ചെയ്തിരുന്നു. അമ്പലവയൽ വികാസ് കോളനിയിൽ അച്ചു അഷ്റഫ് എന്നയാളാണ് ഇപ്പോൾ പിടിയിലായത്.

അമ്പലവയൽ പൊലീസ് ഇയാളെ ബം​ഗളൂരുവിൽ നിന്നാണ് പിടികൂടിയത്. ആയിരംകൊല്ലി സ്വദേശിയായ സ്വാലിഹിനെ പൊലീസ് നേരത്തെ പിടികൂടിയിരുന്നു. കാറിലെത്തി ആടുകളെ മോഷ്ടിച്ച്‌ കടന്നുകളയുകയായിരുന്നു ഇവർ.