ഗുരുവായൂർ ക്ഷേത്രത്തിൽ മകരവിളക്കു ദർശനവും പൊങ്കൽ ആഘോഷത്തിന്റെയും ഭാഗമായി മേൽപുത്തൂർ ഓഡിറ്റോറിയത്തിൽ വി ഫോർ കലാകാരന്മാർ നടത്തിയ  ഭക്തിഗാനാവതരണവും ശ്രദ്ധേയമായി

ഗുരുവായൂർ: കലാവൈഭവമുള്ളവരെ അവരുടെ തലത്തിൽ നിന്നുയർത്തി കൊണ്ടുവരുവാനും

സാമൂഹ്യ സംസ്ക്കാരിക പിന്തുണ നൽകുന്നതിനും രൂപീകരിച്ച വിഭിന്ന വൈഭവ വികസന വേദി പ്രഫഷനല്‍ ഗാനമേള ട്രൂപ്പ് ഗുരുവായൂർ മേൽപുത്തൂർ ഓഡിറ്റോറിയത്തിൽ കലാവതരണം നടത്തി.

അവശതയനുഭവിക്കുന്ന ആളുകളുടെ ക്ഷേമത്തിനായി 2013ൽ തൃശ്ശൂർ ജില്ലയിൽ രൂപീകരിക്കപ്പെട്ട സംഘടനയാണ് വിഭിന്ന വൈഭവ വികസന വേദി,വി -ഫോർ.പരീക്ഷാ വിജയികൾക്കുള്ള അനുമോദനം, പഠനോപകരണ വിതരണം,ഓണം,റംസാൻ,ക്രിസ്തുമസ് ആഘോഷം,കാഴ്ചയില്ലാത്ത സഹോദരങ്ങൾക്കുള്ള ഭവനനിർമ്മാണം തുടങ്ങിയ വ്യത്യസ്ത കർമ പരിപാടികൾ സംഘടനയ്ക്ക് കീഴിൽ നടന്നുവരുന്നുണ്ട്.വി-ഫോർ സെക്രട്ടറി ഷാജി ശങ്കർ,പ്രസിഡന്റ് ലൈല ഷാജി എന്നിവരുടെ നേതൃത്വത്തിലായിരുന്നു പെരിന്തൽമണ്ണയിൽ നിന്നും ഗുരുവായൂരിലേക്കുള്ള കലായാത്ര.