ദേശീയ ഷൂട്ടിംഗ് ചാമ്പ്യൻഷിപ്പിൽ കേരളത്തെ പ്രതിനിധീകരിച്ച് ന്യൂമാന്റെ രശ്മിയും അംജദയും

തൊടുപുഴ: മഹാരാഷ്ട്രയിൽ സംഘടിപ്പിക്കപ്പെട്ട എൻ സി സി ദേശീയ ഷൂട്ടിംഗ് ചാമ്പ്യൻഷിപ്പിൽ കേരള ടീമിൽ ഇടം നേടി തൊടുപുഴ ന്യൂമാൻ കോളേജിന്റെ രശ്മി എ. ആർ, അംജദ ഫാത്തിമ എന്നിവർ താരങ്ങളായി. ഇരുവരും  കോളേജിലെ രണ്ടാം വർഷ ബി കോം വിദ്യാർഥിനികളാണ്.

വണ്ണപ്പുറം എസ്.എൻ. എം.വി വോക്കേഷണൽ ഹയർസെക്കൻഡറി സ്കൂൾ  അധ്യാപകനായ കുമ്പങ്കല്ല് കാട്ടുപുരയിടത്തിൽ വീട്ടിൽ ഷെമിരാജിന്റെയും സുൽഫിയയുടേയും മകളാണ് അംജദ ഫാത്തിമ. ഇടുക്കി പൈനാവ് 56 കോളനിയിൽ അറയ്ക്കൽ വീട്ടിൽ രാജേഷിന്റെയും ലത രാജേഷിന്റെയും മകളാണ് രശ്മി.

കഠിന പരിശ്രമവും അർപ്പണമനോഭാവവും വഴി  നാടിന്റെ യശ്ശസ്സു യർത്തിയ താരങ്ങളെ കോളേജ് രക്ഷാധികാരി മാർ ജോർജ് മഠത്തിക്കണ്ടത്തിൽ, 18 കേരള ബറ്റാലിയൻ കമാൻഡിങ് ഓഫീസർ ലഫ്. കേണൽ അനിരുദ്ധ് സിംഗ്, കോളേജ് മാനേജർ മോൺ. ഡോ. പയസ് മലേക്കണ്ടതിൽ, ഹയർ എഡ്യൂക്കേഷൻ സെക്രട്ടറി. റവ.ഡോ. പോൾ പാറത്താഴം, പ്രിൻസിപ്പൽ ഡോ. ജെന്നി കെ അലക്സ്‌, എൻസിസി ഓഫീസർ ക്യാപ്റ്റൻ പ്രജീഷ് സി മാത്യു, വൈസ് പ്രിൻസിപ്പിൽമാരായ ഡോ. സാജു അബ്രഹാം, പ്രൊഫ.ബിജു പീറ്റർ, കോളേജ് ബർസാർ ഫാ. ബെൻസൺ എൻ. ആന്റണി എന്നിവർ അഭിനന്ദിച്ചു.