അയ്മനം ദേവസ്വം ട്രസ്റ്റ് ഫൗളർ ബെഡ് നൽകി മാതൃകയായി

പെരുമ്പാവൂർ: അയ്മുറി ശ്രീമഹാദേവക്ഷേത്രം നടത്തുന്ന ജീവകാരുണ്യ പ്രവർത്തനങ്ങളുടെ ഭാഗമായി കൊരുമ്പശ്ശേരിയിൽ പ്രവർത്തിക്കുന്ന ജീവധാര മാനവസേവാ കേന്ദ്രത്തിന് കിടപ്പു രോഗികൾക്കാവശ്യമായുള്ള ഫൗളർ ബെഡ് വാങ്ങി നൽകി. 

അയ്മനം ദേവസ്വം ട്രസ്റ്റാണ് ഇതിനു മുൻകൈയെടുത്തത്. നിർദ്ധന രോഗികൾക്കായി സേവനപ്രവർത്തനങ്ങൾ നടത്തുന്ന പ്രസ്ഥാനമാണ് ജീവധാര മാനവസേവാ കേന്ദ്രം. 

ദേവസ്വം ട്രസ്റ്റ് അംഗം കെ. ബാബു പ്രദീപ്, ക്ഷേത്രം ഉപസമിതി പ്രസിഡൻ്റ് പി.കെ. സുധാകരൻ എന്നിവർ സേവാകേന്ദ്രം പ്രസിഡൻ്റ് ഹരിദാസ് നാരായണന് ഫൗളർ ബെഡ് കൈമാറി. 

സെക്രട്ടറി വിനോദ് ഗോപിനാഥ്, കമ്മിറ്റി അംഗങ്ങളായ എം.പി. പ്രവീൺകുമാർ, വി.എച്ച്. സുധീർ എന്നിവർ സംബന്ധിച്ചു.