ചിത്രരശ്മി ബുക്സ് സ്ഥാപകൻ മുകുന്ദൻ മാസ്റ്ററുടെ ഓർമ്മയ്ക്കായുള്ള യുവപ്രതിഭ പുരസ്ക്കാരം പ്രദീപൻ തൈക്കണ്ടിക്ക്

ഒറ്റപ്പാലം :ചിത്രരശ്മി എഴുത്തുകൂട്ടത്തിന്റെ ആഭിമുഖ്യത്തിൽ ചിത്രരശ്മി ബുക്സ് സ്ഥാപകൻ മുകുന്ദൻ മാസ്റ്ററുടെ ഓർമ്മയ്ക്കായി സാമൂഹിക സാംസ്കാരിക ജീവകാരുണ്യ പ്രവർത്തന രംഗത്ത് ശ്രദ്ധേയ സംഭാവനകൾ നൽകിയവർക്കായി ഏർപ്പെടുത്തിയ യുവ പ്രതിഭ പുരസ്കാരത്തിന് മാധ്യമ പ്രവർത്തകനും ഗാന്ധി യുവ മണ്ഡലം സംസ്ഥാന പ്രസിഡന്റുമായ കൂത്തുപറമ്പ് വേങ്ങാട് സ്വദേശി പ്രദീപൻ തൈക്കണ്ടിയെ തെരെഞ്ഞെടുത്തതായി പുരസ്‌കാര നിർണയ സമിതി അറിയിച്ചു.

ഗാന്ധിയൻ ദർശനങ്ങൾ പുതുതലമുറകളിൽ എത്തിക്കുന്നതിന് വേണ്ടി നടത്തിയ അശ്രാന്ത പരിശ്രമങ്ങളും കണ്ണൂർ നഗരത്തിലെ തെരുവിൽ കഴിയുന്നവർക്കായി ചെയ്ത ജീവകാരുണ്യ പ്രവർത്തനങ്ങളും പരിഗണിച്ചാണ് പുരസ്കാരമെന്ന് പ്രോഗ്രാം കോർഡിനേറ്റർ മുജീബ് താനാളൂർ അറിയിച്ചു.സെപ്തംബർ 13 ന് രാവിലെ 10 മണിക്ക് തിരൂരിൽ നടക്കുന്ന ചടങ്ങിൽ ക്യാഷ് അവാർഡും പ്രശസ്തി പത്രവും ശില്പവും അടങ്ങുന്ന പുരസ്‌കാരം മലയാളം സർവകലാശാല വൈസ് ചാൻസിലർ ഡോപി.എ.പ്രസാദ് സമ്മാനിക്കുമെന്ന് ചിത്രരശ്മി എഴുത്തുകൂട്ടം ഭാരവാഹികൾ അറിയിച്ചു.