സാന്ദ്രാനന്ദം സാവിത്രിയമ്മയ്ക്ക് ത്രയാശീതി പുരസ്കാരം സമ്മാനിച്ചു

പെരുമ്പാവൂർ: കൂവപ്പടി സാന്ദ്രാനന്ദം സത്സംഗസമിതി സ്ഥാപക പ്രസിഡന്റും കൂവപ്പടി ഗണപതിവിലാസം എൻഎസ്എസ്  വനിതാസമാജം ആദ്യകാല പ്രസിഡന്റുമായ കെ. സാവിത്രിയമ്മയെ ത്രയാശീതി പുരസ്കാരം നൽകി ആദരിച്ചു.

 രണ്ടു ദശാബ്ദത്തിലേറെയായി ആദ്ധ്യാത്മിക സേവാപ്രവർത്തനങ്ങളിൽ സജീവമായി പ്രവർത്തിക്കുകയായിരുന്നു സാവിത്രിയമ്മ. സാന്ദ്രാനന്ദം സത്സംഗസമിതി പ്രസിഡന്റ് ലീല പി. കർത്താ അധ്യക്ഷത വഹിച്ച ചടങ്ങിൽ ഇന്ദിരാ നായർ പൊന്നാടയണിയിച്ചു. സെക്രട്ടറി ഓമന ഗോപിനാഥ് പുരസ്കാരം സമ്മാനിച്ചു. തുടർന്ന് നാരായണീയസത്സംഗവും സദ്യയും ഉണ്ടായിരുന്നു.