പാമ്പാടി ബസ് സ്റ്റാന്‍ഡ് പരിസരസത്തു നിന്നും കളഞ്ഞു കിട്ടിയ പണവും മൊബൈല്‍ ഫോണും പോലീസില്‍ ഏല്‍പ്പിച്ചു വിദ്യാര്‍ഥികൾ; ഉടന്‍ തന്നെ ഉടമയെ കണ്ടെത്തി വിദ്യാര്‍ഥികളെ കൊണ്ടു തന്നെ തിരികെ കൊടുപ്പിച്ചു പോലീസ്. സത്യസന്ധതയോടെ പ്രവര്‍ത്തിച്ച വിദ്യാര്‍ഥികള്‍ക്ക് പോലീസിന്റെ അഭനന്ദനം

പാമ്പാടി: ബസ് സ്റ്റാന്‍ഡ് പരിസരസത്തു നിന്നും കളഞ്ഞു കിട്ടിയ പണവും മൊബൈല്‍ ഫോണും കുട്ടികള്‍ പാമ്പാടി പോലീസ് സ്റ്റേഷനില്‍ ഏല്‍പ്പിച്ചു മാതൃകയായി. പാമ്പാടി വിമലാംബിക സീനിയര്‍ സെക്കന്‍ഡറി സ്‌കൂളിലെ പന്ത്രണ്ടാം ക്ലാസ് വിദ്യാര്‍ഥികളായ നിധിന്‍ നിഷാദ്, സച്ചു സന്തോഷ് എന്നിവരാണു പണമടങ്ങിയ പഴ്‌സും മൊബൈല്‍ ഫോണും പോലീസ് സ്റ്റേഷനില്‍ ഏല്‍പ്പിച്ചത്. 

പാമ്പാടി പോലീസ് സ്റ്റേഷനിലെ സബ് ഇന്‍സ്പെക്ടര്‍ പിബി ഉദയകുമാറിന്റെ നേതൃത്വത്തില്‍ അന്വേഷിച്ച് ഉടമസ്ഥന്‍ പാമ്പാടി പൂതക്കുഴി സ്വദേശി രാധാകൃഷ്ണനാണെന്ന് കണ്ടെത്തി. പോലീസിന്റെ സാന്നിധ്യത്തില്‍ പണമടങ്ങിയ പഴ്‌സും മൊബൈല്‍ ഫോണും കുട്ടികള്‍ തിരികെ ഏല്‍പിക്കുകയായിരുന്നു.

സമൂഹത്തിനു മാതൃകയാകത്തക്കവിധം സത്യസന്ധതയോടെ പ്രവര്‍ത്തിച്ച കുട്ടികളെ പോലീസ് ഉദ്യോഗസ്ഥരും സ്‌കൂള്‍ മാനേജ്‌മെന്റും അധ്യാപകരും സ്‌കൂള്‍ പി.ടി.എയും അഭിനന്ദിച്ചു.