ബാലസംഘം സ്ഥാപക ദിനം ആചരിച്ചു

മരങ്ങാട്ടുപിള്ളി: ഡിസംബര്‍ 28-ന് ബാലസംഘത്തിന്‍റെ 88-ാം സ്ഥാപകദിനം സംസ്ഥാന വ്യാപകമായി ആചരിക്കുന്നതിന്‍റ ഭാഗമായി മരങ്ങാട്ടുപിള്ളിയില്‍ സമുചിതമായി ആചരിച്ചു. ബാലസംഘം മേഖലാ കണ്‍വീനര്‍ കെ.കെ. നാരായണന്‍ അദ്ധ്യക്ഷത വഹിച്ച യോഗം മുതിര്‍ന്ന രക്ഷാധികാരി എ.എസ്.ചന്ദ്രമോഹനന്‍ ഉത്ഘാടനം ചെയ്തു. 

മരങ്ങാട്ടുപിള്ളി  ഗ്രാമപഞ്ചായത്ത് ഭരണസമിതി അംഗമായി പുതുതായി  തെരഞ്ഞെടുക്കപ്പെട്ട ബാലസംഘം രക്ഷാധികാരി സമിതി അംഗം കൂടിയായ ബിനീഷ് ഭാസ്ക്കരനെ അനുമോദിച്ചു. 

ആദര്‍ശിഖ പ്രശോഭ്, പാര്‍വ്വണ ടി.എച്ച്. എന്നിവര്‍ കുട്ടികളുടെ പരിപാടികള്‍ അവതരിപ്പിച്ചു. ഷീബ പി.എം, ഓമന സുധന്‍, ഹരിലാല്‍ .എന്‍. തുടങ്ങിയവര്‍ സംസാരിച്ചു. പ്രതിവാര സൗജന്യ ട്യൂഷന്‍ ക്ളാസുകളുടെ ഉത്ഘാടനം വാര്‍ഡ് മെമ്പര്‍ ബിനീഷ് ഭാസ്ക്കരന്‍ നിര്‍വ്വഹിച്ചു.