ജനങ്ങൾക്ക് നൽകിയ വാഗ്ദാനമായിരുന്നു പരിപ്പ് തൊള്ളായിരം റോഡിന്റെ നിർമ്മാണം; ആ വാക്കുപാലിക്കുവാൻ സാധിച്ചു , ജനം സ്വപ്നം കണ്ട റോഡ് ഇനി യഥാർത്ഥ്യം: മന്ത്രി വി എൻ വാസവൻ

കോട്ടയം : തിരഞ്ഞെടുപ്പ് കാലത്ത് അയ്മനത്തിന്റെ പടിഞ്ഞാറൻ മേഖലയിലെ ജനങ്ങൾക്ക് നൽകിയ വാഗ്ദാനമായിരുന്നു  പരിപ്പ് തൊള്ളായിരം റോഡിന്റെ നിർമ്മാണം പൂർത്തീകരിക്കുമെന്നത്.  അതാണ് ഇപ്പോൾ യാഥാർത്ഥ്യമായിരിക്കുന്നത്.

അയ്മനം, കുമരകം പഞ്ചായത്തുകളിലെ ജനങ്ങളുടെ ദീർഘകാലത്തെ ആവശ്യമാണ് ഇന്നത്തെ മന്ത്രിസഭാ യോഗ തീരുമാനത്തിലൂടെ യാഥാർത്ഥ്യമാവുന്നത്.  റോഡ് പൂർത്തിയാകുമ്പോൾ ഈ പ്രദേശത്തിന്റെ വികസന മുന്നേറ്റത്തിന് അത് വഴിയൊരുക്കും.  അയ്മനം കുമരകം മേഖലയിലെ ടൂറിസത്തിനും  കാർഷിമേഖലയ്ക്കും  നേട്ടമായിമാറും ഈ റോഡെന്ന്  മന്ത്രി വി.എൻ വാസവൻ പറഞ്ഞു.