മാർ സ്ലീവാ പള്ളി കാഞ്ഞിരമറ്റം പിതൃവേദി യൂണിറ്റിന്റെ പ്രവർത്തന ഉദ്ഘാടനം നടന്നു

കോട്ടയം  : മാർ സ്ലീവാ പള്ളി കാഞ്ഞിരമറ്റം പിതൃവേദി യൂണിറ്റിന്റെ പ്രവർത്തന ഉദ്ഘാടനം രൂപത വൈസ് പ്രസിഡന്റ് സെബാസ്റ്റ്യൻ തോമസ് പനയ്ക്കകുഴി നിർവഹിച്ചു.ക്രൈസ്തവ സമുദായ ശാക്തികരണം ഉറപ്പുവരുത്താൻ കുടുംബനാഥന്മാരായ പിതാക്കന്മാർക്ക് ആവണമെന്നും സമകാലിക ഘട്ടത്തിൽ ഇത് അനിവാര്യമാണെന്നും അദ്ദേഹം ഉദ്ഘാടന പ്രസംഗത്തിൽ ഉദ്ബോധിപ്പിച്ചു .

യൂണിറ്റ് പ്രസിഡൻ്റ്   സജി നാഗമറ്റത്തിൽ അധ്യക്ഷത വഹിച്ച യോഗത്തിൽ വികാരി ഫാ. ജോസഫ്  മണ്ണനാൽ അനുഗ്രഹ പ്രഭാഷണവും ഫൊറോന പ്രസിഡൻ്റ് അഡ്വ ജോസ് നെടുംതകിടി മുഖ്യപ്രഭാഷണവും  നടത്തി . രൂപതാ എക്സിക്യൂട്ടിവ് മെമ്പർ  സാജു മാത്യു കാരാമയിൽ അസിസ്റ്റൻറ് വികാരി റവ ഫാ. ചാൾസ് പേണ്ടാനത്ത് പിത്യവേദി ഫൊറോന യൂണിറ്റ് പ്രസിഡൻ്റ്   ജോർജ് പന്തലാനിക്കൽ .  ഡോ.പ്രിൻസ് മണിയങ്ങാട്ട്  അനിൽ ചെരിപുരം  ടോമിച്ചൻ പിരിയന്മാക്കൽ  രാജൻ ഓലിയ്ക്കൽ   ജോസ് ചെരി പുറം എന്നിവർ പ്രസംഗിച്ചു . തുടർന്ന് വിവിധ കലാപരിപാടികൾ സ്നേഹവിരുന്ന് എന്നിവ നടത്തി .