ഗസ്സയിലെ പോരാളികൾക്കും ശുഹദാക്കൾക്കും ഐക്യദാർഢ്യം പ്രഖ്യാപിച്ച് സോളിഡാരിറ്റി മലപ്പുറം ജില്ലാ കമ്മിറ്റി സംഘടിപ്പിച്ച സ്പോർട്സ് മീറ്റ് സമാപിച്ചു

ഒതുക്കുങ്ങൽ : ഗസ്സയിലെ പോരാളികൾക്കും ശുഹദാക്കൾക്കും ഐക്യദാർഢ്യം പ്രഖ്യാപിച്ച് സോളിഡാരിറ്റി മലപ്പുറം ജില്ലാ കമ്മിറ്റി സംഘടിപ്പിച്ച സ്പോർട്സ് മീറ്റ് സമാപിച്ചു. ഗസ്സയിലെ രക്തസാക്ഷികളുടെ ഓർമ്മ പുതുക്കി 'അബൂ ഉബൈദ സ്ക്വയർ' എന്ന് നാമകരണം ചെയ്ത വേദിയിലാണ് മത്സരങ്ങൾ നടന്നത്. ജില്ലയുടെ വിവിധ ഭാഗങ്ങളിൽ നിന്നുള്ള നൂറുകണക്കിന് കായികതാരങ്ങൾ മാറ്റുരച്ച മീറ്റിൽ ആവേശകരമായ പോരാട്ടങ്ങളാണ് അരങ്ങേറിയത്.

സംസ്ഥാന പ്രസിഡന്റ് തൗഫീഖ് മമ്പാട് സ്പോർട്സ് മീറ്റ് ഉദ്ഘാടനം ചെയ്തു.

സംസ്ഥാന സമിതി അംഗം അജ്മൽ കെ.പി 

ജില്ലാ പ്രസിഡന്റ് സാബിക് വെട്ടം, ജനറൽ സെക്രട്ടറി അൻഫൽ ജാൻ,സെക്രട്ടറിമാരായ യാസിർ കെ. എം , ജംഷീദ് അലി,അമീൻ വേങ്ങര, സമീറുള്ള കെ, ഷബീർ വടക്കങ്ങര, ജംഷീദ് കെ സ്പോർട്സ് മീറ്റ് കൺവീനർ മുനീർ ടി. മങ്കട എന്നിവർ സമ്മാന ദാനം നിർവഹിച്ചു.

 മുഹമ്മദ് വാസിൽ, ത്വയ്യിബ്, അസ്‌ലം താനൂർ എന്നിവർ പരിപാടിക്ക് നേതൃത്വം നിർവഹിച്ചു ശുഹദാക്കളോടുള്ള ആദരസൂചകമായി വേദിയിൽ ഒരുക്കിയ ഗസ്സ ഐക്യദാർഢ്യ പ്രഖ്യാപനങ്ങളും മീറ്റിനെ ശ്രദ്ധേയമാക്കി.