മുഖ്യമന്ത്രിയെ സന്ദർശിച്ച് തിരുവനന്തപുരം മേയറും ഡെപ്യൂട്ടി മേയറും ; മുഖ്യമന്ത്രിയുടെ ഓഫീസിലെത്തിയാണ് ഇരുവരും കൂടിക്കാഴ്ച്ച നടത്തിയത് ; ബിജെപി തിരുവനന്തപുരം നഗരസഭയുടെ ഭരണം പിടിച്ച ശേഷം ആദ്യമായാണ് മേയറും ഡെപ്യൂട്ടി മേയറും ഒന്നിച്ച് മുഖ്യമന്ത്രിയെ സന്ദർശിക്കുന്നത്

തിരുവനന്തപുരം : തിരുവനന്തപുരം മേയറും ഡെപ്യൂട്ടി മേയറും ഒന്നിച്ച് മുഖ്യമന്ത്രിയുടെ ഓഫീസിലെത്തിയാണ് കൂടിക്കാഴ്ച്ച നടത്തിയത്. സന്ദർശന വിവരം മേയർ വി.വി. രാജേഷ് തൻ്റെ ഫേസ് ബുക്ക് പോസ്റ്റിലൂടെയാണ് സന്ദർശന വിവരം അറിയിച്ചത്.

സന്ദർശനത്തിൻ്റെ ചിത്രങ്ങൾ സഹിതമുള്ള ഫേസ് ബുക്ക് പോസ്റ്റിൻ്റെ പൂർണ്ണ രൂപം ചുവടെ ,
"ഇന്ന് രാവിലെ ഡെപ്യൂട്ടി മേയർ G S ആശാനാഥുമൊന്നിച്ച് ബഹു:മുഖ്യമന്ത്രിയെ അദ്ദേഹത്തിൻ്റെ ഓഫീസിൽ സന്ദർശിച്ച് കോർപ്പറേഷൻ്റെ മുന്നോട്ടുള്ള പ്രവർത്തനങ്ങൾക്ക് സംസ്ഥാന സർക്കാരിൻ്റെ പിന്തുണ തേടി.

വികസന പ്രവർത്തനങ്ങൾക്ക് നല്ല രീതിയിലുള്ള സഹകരണം അദ്ദേഹം വാഗ്ദാനം ചെയ്തതിനൊപ്പംസംസ്ഥാന  തലസ്ഥാനങ്ങളിലെ കോർപ്പറേഷനുകളിലേയ്ക്കുള്ള കേന്ദ്ര പദ്ധതികൾ പരമാവധി നേടിയെടുത്ത് മുന്നോട്ട് പോകുവാനുള്ള സാഹചര്യം പരമാവധി പ്രയോജനപ്പെടുത്തുവാനുമാവശ്യപ്പെട്ടു."