വി.ഡി രാജപ്പന്റെ ഭാര്യ ടി. സുലോചന അന്തരിച്ചു, ശാരീരിക അവശതകളെ തുടര്‍ന്ന് ചികിത്സയിലായിരുന്നു

കോട്ടയം: ഹാസ്യ കഥാപ്രസംഗ രംഗത്തെ കുലപതിയും സിനിമാ താരവുമായ ഏറ്റുമാനൂർ പേരൂർ തച്ചനയിൽ വി.ഡി രാജപ്പന്റെ ഭാര്യ ടി. സുലോചന (69) അന്തരിച്ചു. വ്യാഴാഴ്ച പുലര്‍ച്ചെയായിരുന്നു മരണം.

മകന്‍ രാജേഷ് രാജപ്പന്‍ ആണ് മരണവാര്‍ത്ത പങ്കുവച്ചത്. ശാരീരിക അവശതകളെ തുടര്‍ന്ന് ചികിത്സയിലായിരുന്നു ഇവർ . കോട്ടയം ജനറല്‍ ആശുപത്രിയിലെ റിട്ട. ഹെഡ് നഴ്‌സായിരുന്നു സുലോചന. 

മക്കള്‍ രാജേഷ്.ആര്‍ (ക്ലറിക്കല്‍ അസിസ്റ്റന്റ്,എം.ജി. യൂണിവേഴ്‌സിറ്റി, കോട്ടയം) രാജീവ്. ആര്‍ (മാക്‌സ് ഹോസ്പിറ്റല്‍ ഡല്‍ഹി) മരുമക്കള്‍. മഞ്ജുഷ. വി.രാജു,അനുമോള്‍.ആര്‍ ( എയിംസ് ഹോസ്പിറ്റല്‍ ഡല്‍ഹി). സംസ്‌ക്കാരം ഇന്ന് വൈകിട്ട് അഞ്ചിന് പേരൂരുള്ള വീട്ടുവളപ്പില്‍  നടക്കും.