കുറവിലങ്ങാട് ദേവമാതാ കോളേജ് `മഹിതം 2026`എന്ന പേരിൽ വനിതാദിനാചരണം സംഘടിപ്പിച്ചു

കുറവിലങ്ങാട്: ദേവമാതാ കോളേജ് (ഓട്ടോണമസ് )വനിതാ ഫോറം, അന്താരാഷ്ട്ര വനിതാ ദിനത്തോടനുബന്ധിച്ച്`മഹിതം 2026`എന്ന പേരിൽ വനിതാദിനാചരണം സംഘടിപ്പിച്ചു.  പ്രിൻസിപ്പൽ ഡോ. സുനിൽ സി മാത്യുവിൻ്റെ അധ്യക്ഷതയിൽ ചേർന്ന സമ്മേളനം  കേരള ഹൈക്കോടതി മുൻ ജഡ്ജി ,ജസ്റ്റിസ് മേരി ജോസഫ് ഉദ്ഘാടനം ചെയ്തു. 

ആധുനിക സമൂഹത്തിൽ സ്ത്രീകൾക്ക് കൈവരിക്കാനായ നേട്ടങ്ങളെക്കുറിച്ചും നിയമപരമായ ശാക്തീകരണത്തിന്റെ ആവശ്യകതയെക്കുറിച്ചും തൻ്റെ അനുഭവങ്ങളുടെ വെളിച്ചത്തിൽ സംസാരിച്ച ജസ്റ്റിസ് മേരി ജോസഫ് ,മാതാപിതാക്കളും ഗുരുക്കന്മാരും തെളിക്കുന്ന വഴികളിലൂടെ സഞ്ചരിക്കേണ്ടതിൻ്റെ ആവശ്യകതയും കുട്ടികളെ ഓർമ്മിപ്പിച്ചു.

കോളേജ് വൈസ് പ്രിൻസിപ്പൽ റവ. ഫാ. ഡിനോയ്  കവളമ്മാക്കൽ, വിമൻസ് ഫോറം കോർഡിനേറ്റർ ഡോ. അരുണിമ സെബാസ്റ്റ്യൻ, വിദ്യാർത്ഥി പ്രതിനിധി  സാഫല്യ എന്നിവർ സംസാരിച്ചു.വിമൻസ്ഫോറം കോർഡിനേറ്റേഴ്സായ സി.ഡോ.ഫാൻസി പോൾ,ഡോ.അഞ്ജു ബി എന്നിവർ പരിപാടികൾക്ക് നേതൃത്വം നൽകി.