Advertisment

ഉപഭോക്താക്കള്‍ക്ക് സവിശേഷ അനുഭവങ്ങളും, വൈവിധ്യമാര്‍ന്ന ഉത്പന്നങ്ങളും ! സാല്‍മിയയിലും പ്രവര്‍ത്തനമാരംഭിച്ച് ലുലു എക്‌സ്പ്രസ് ഫ്രഷ് മാര്‍ക്കറ്റ് ‌

New Update

publive-image

Advertisment

കുവൈറ്റ്: സാല്‍മിയയുടെ ഹൃദയഭാഗത്തുള്ള ടെറസ് മാളില്‍ ലുലു എക്‌സ്പ്രസ് ഫ്രഷ് മാര്‍ക്കറ്റ് ആരംഭിച്ച് പ്രവര്‍ത്തനം ശക്തമാക്കി ലുലു. ഇതോടെ രാജ്യത്തെ റീട്ടെയില്‍ മേഖലയില്‍ ലുലു സാന്നിധ്യം കൂടുതല്‍ ശക്തമാക്കി. ആഗോളതലത്തിലെ 202-ാമത്തെയും കുവൈറ്റ് മേഖലയിലെ 11-ാമത്തെയും സ്‌റ്റോറാണിത്.

publive-image

സലേം അല്‍ മുബാറക് സ്ട്രീറ്റില്‍ സ്ഥിതി ചെയ്യുന്ന ലുലു എക്‌സ്പ്രസ് ഫ്രഷ് മാര്‍ക്കറ്റ് സ്റ്റോര്‍ കുവൈറ്റ് ഫുട്‌ബോള്‍ അസോസിയേഷന്‍ ചെയര്‍മാന്‍ ഷെയ്ഖ് അഹമ്മദ് അല്‍ യൂസഫ് അല്‍ സബാഹ് ഉദ്ഘാടനം ചെയ്തു.

publive-image

വെര്‍ച്വല്‍ മാര്‍ഗത്തില്‍ ലുലു ഗ്രൂപ്പിന്റെ ചെയര്‍മാനും മാനേജിംഗ് ഡയറക്ടറുമായ എം.എ യൂസഫലി, എക്‌സിക്യൂട്ടീവ് ഡയറക്ടര്‍ അഷ്‌റഫ് അലി എം.എ, ചീഫ് എക്‌സിക്യൂട്ടീവ് ഓഫീസര്‍ സെയ്ഫി രൂപാവാല എന്നിവര്‍ പങ്കെടുത്തു.

publive-image

കുവൈറ്റ് & ഇറാഖ് ഡയറക്ടര്‍ മുഹമ്മദ് ഹാരിസ്, കുവൈറ്റ് റീജിയണല്‍ ഡയറക്ടര്‍ ശ്രീജിത്ത്, കുവൈറ്റ് റീജിയണല്‍ മാനേജര്‍ അബ്ദുല്‍ ഖാദര്‍ ഷെയ്ഖ് എന്നിവരും പരിപാടിയുടെ ഭാഗമായി. കൊവിഡ് പ്രോട്ടോക്കോള്‍ പാലിച്ചാണ് പരിപാടി സംഘടിപ്പിച്ചത്.

publive-image

ഉപഭോക്താവിന്റെ ആവശ്യങ്ങള്‍ക്ക് അനുസൃതമായി വേഗത്തിലും കാര്യക്ഷമവുമായും ഷോപ്പിംഗ് അനുഭവങ്ങള്‍ പകര്‍ന്നു നല്‍കുകയാണ് 2226 ചതുരശ്ര മീറ്ററില്‍ വ്യാപിച്ചുകിടക്കുന്ന ഈ സ്റ്റോറിലൂടെ ലക്ഷ്യമിടുന്നത്.

publive-image

പഴങ്ങള്‍, പച്ചക്കറികള്‍, മത്സ്യ-മാംസങ്ങള്‍, പലച്ചരക്ക്, പാല്‍, ബേക്കറി ഉത്പന്നങ്ങള്‍ തുടങ്ങിയവയ്ക്കായി പ്രത്യേക വിഭാഗങ്ങള്‍ ഇവിടെയുണ്ട്. വൈവിധ്യമാര്‍ന്ന ഉത്പന്നങ്ങളാണ് ഉപഭോക്താക്കള്‍ക്കായി ഒരുക്കിയിരിക്കുന്നത്.

publive-image

പ്രാദേശിക ഉത്പന്നങ്ങള്‍, ഇറക്കുമതി ചെയ്തവ തുടങ്ങിയവയെല്ലാം ഇവിടെ ഒരുക്കിയിരിക്കുന്നു. കൂടാതെ, ആരോഗ്യകരമായ വിവിധ ഭക്ഷണ വിഭവങ്ങള്‍, കടല്‍ വിഭവങ്ങള്‍ തുടങ്ങിയവയും ഇവിടെ ലഭിക്കും.

publive-image

പെട്ടെന്ന് എത്താനുള്ള സൗകര്യം, ആധുനിക അന്തരീക്ഷം, വിശാലമായ ഇടനാഴികള്‍ തുടങ്ങിയവയും ഉപഭോക്താക്കള്‍ക്ക് സവിശേഷമായ അനുഭവം പകരുന്നു.

publive-image

Advertisment