റിയാദ് : സൗദിയിലെ അൽഹസയിൽ പ്രവാസി മലയാളിയെ മരിച്ച നിലയിൽ കണ്ടെത്തി. ബെസ്റ്റ് ഹാർവെസ്റ്റ് കമ്പനിയിൽ സെയിൽസ്‍മാനായിരുന്ന കൊല്ലം കരുനാഗപ്പള്ളി തൊടിയൂർ നോർത്ത് സ്വദേശി എംആർഎസ് ഹൗസിൽ ഷിഹാബുദ്ദീൻ (42) ആണ് മരിച്ചത്.
ബുധനാഴ്ച രാത്രി ഉറങ്ങാൻ കിടന്ന ഷിഹാബുദ്ദീൻ രാവിലെ പതിവ് സമയം കഴിഞ്ഞിട്ടും ഉണർന്നില്ല. തുടർന്ന് വിളിച്ചുണർത്താൻ ശ്രമിച്ചപ്പോൾ മരിച്ച നിലയിൽ കണ്ടെത്തുകയായിരുന്നു.
പോലീസ് സ്ഥലത്തെത്തി മൃതദേഹം അൽഹസ ആശുപത്രി മോർച്ചറിയിലേക്കു മാറ്റി. കബറടക്കം അൽഹസയിൽ. ഭാര്യ : റജീന മക്കൾ: മുന്ന, മുഹ്സിൻ, മുസമ്മിൽ.
