Advertisment

വീണ്ടും ഷവര്‍മ കഴിച്ച് ഭക്ഷ്യവിഷബാധ; 14കാരിക്ക് ദാരുണാന്ത്യം

New Update
shawarma

ഡല്‍ഹി: തമിഴ്‌നാട്ടിലെ നാമക്കലില്‍ ചിക്കന്‍ ഷവര്‍മ കഴിച്ച് ഭക്ഷ്യവിഷബാധയേറ്റ് 14കാരി മരിച്ചു. ഞായറാഴ്ച രാത്രി ഭക്ഷ്യവിഷബാധയേറ്റതിനെ തുടര്‍ന്ന് പെണ്‍കുട്ടിയെ ആശുപത്രിയില്‍ പ്രവേശിപ്പിച്ചിരുന്നു.

Advertisment

എന്നാല്‍ തിങ്കളാഴ്ച വീട്ടില്‍ തിരിച്ചെത്തി. ഇതിന് പിന്നാലെയാണ് പെണ്‍കുട്ടി മരിച്ചത്. ഇതേ റസ്റ്റോറന്റില്‍ നിന്ന് ഭക്ഷണം കഴിച്ച 13 മെഡിക്കല്‍ വിദ്യാര്‍ഥികള്‍ രോഗബാധിതരായി ചികിത്സയിലാണെന്ന് പോലീസ് പറഞ്ഞു.

ഞായറാഴ്ച 14കാരിയുടെ പിതാവാണ് റസ്റ്റോറന്റില്‍ നിന്ന് ഭക്ഷണം വാങ്ങി വീട്ടിലേക്ക് കൊണ്ടുവന്നത്. പെണ്‍കുട്ടി കുടുംബത്തോടൊപ്പം ചിക്കന്‍ ഷവര്‍മയാണ് കഴിച്ചത്. രാത്രിയോടെ അവശനിലയിലായ പെണ്‍കുട്ടിയെ കുടുംബം ആശുപത്രിയിലെത്തിച്ചു. എന്നാല്‍ കാര്യമായ പ്രശ്നങ്ങളില്ലെന്ന് കരുതി തിങ്കളാഴ്ചയോടെ വീട്ടിലേക്ക് മടക്കി അയക്കുകയായിരുന്നു. 

സംഭവത്തിന് പിന്നാലെ ഉദ്യോഗസ്ഥര്‍ ഉടന്‍ റെസ്റ്റോറന്റില്‍ റെയ്ഡ് നടത്തുകയും ഭക്ഷണ സാമ്പിളുകള്‍ ശേഖരിക്കുകയും ചെയ്തു. പിന്നാലെ മൂന്ന് പേരെ പൊലീസ് കസ്റ്റഡിയിലെടുത്തു.

 ഭക്ഷ്യവിഷബാധയേറ്റവരില്‍ ഏറെയും ഗ്രില്‍ഡ് ചിക്കനോ, തന്തൂരി ചിക്കനോ, ഷവര്‍മയോ കഴിച്ചവരാണ്. ചിക്കന്‍ എവിടെനിന്നാണ് എത്തിച്ചതെന്ന് ഭക്ഷ്യസുരക്ഷാ സംഘം കണ്ടെത്തിയിട്ടുണ്ട്. കേസില്‍ അന്വേഷണം നടക്കുകയാണ്.

Advertisment