/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/07rggkNANdjD4hy3BgVr.jpg)
ചെന്നൈ: നടന്‍ ചിമ്പുവിനെ വിലക്കണമെന്ന് നിര്‍മ്മാതാക്കളുടെ ആവശ്യം തള്ളി മദ്രാസ് ഹൈക്കോടതി. ചിമ്പു അഭിനയിക്കാന്‍ കരാറായ കൊറോണ കുമാര്‍ എന്ന ചിത്രത്തിന്റെ നിര്‍മ്മാതാക്കള്‍ വേല്‍ ഫിലിംസ് നല്‍കിയ ഹര്‍ജിയാണ് കോടതി നല്‍കിയത്. കുറച്ചുകാലമായി മദ്രാസ് ഹൈക്കോടതിയില്‍ ചിമ്പുവും വേല്‍ ഫിലിംസും തമ്മിലുള്ള കേസ് നടക്കുന്നുണ്ട്.
തങ്ങളുടെ കൊറോണ കുമാര്‍ എന്ന പ്രൊജക്ട് പൂര്‍ത്തിയാക്കും വരെ ചിമ്പു മറ്റ് ചിത്രങ്ങളില്‍ അഭിനയിക്കുന്നത് വിലക്കണം എന്നാണ് നിര്‍മ്മാതാക്കള്‍ ഹര്‍ജിയില്‍ ആവശ്യപ്പെട്ടത്. എന്നാല്‍ കോടതി അത് അംഗീകരിച്ചില്ല. ഇത്തരം ആവശ്യം മുന്നോട്ടു വെയ്ക്കാന്‍ നിയമപരമായി കഴിയില്ലെന്നും കോടതി വ്യക്തമാക്കി.
പത്ത് കോടി രൂപ പ്രതിഫലം നിശ്ചയിച്ച കൊറോണ കുമാര്‍ എന്ന ചിത്രം ചെയ്യാന്‍ ചിമ്പു 4.5 കോടി അഡ്വാന്‍സ് വാങ്ങിയിരുന്നു. എന്നാല്‍ അതിന് ശേഷം ചിത്രത്തില്‍ അഭിനയിക്കാന്‍ തയ്യാറാവുന്നില്ലെന്ന് കാണിച്ചാണ് വേല്‍ ഫിലിംസ് കോടതിയെ സമീപിച്ചത്.
കേസ് തീരുന്നത് വരെ അഡ്വാന്‍സ് തുക കോടതിയില്‍ കെട്ടിവെയ്ക്കാന്‍ ചിമ്പുവിന് നിര്‍ദ്ദേശം ഉണ്ടായിരുന്നു. 'പത്തുതലൈ' ആണ് ചിമ്പുവിന്റേതായി അവസാനം പുറത്തിറങ്ങിയ ചിത്രം.