ഫരീദാബാദ് രൂപതയിൽ ആർച്ച് ബിഷപ് കുര്യാക്കോസ് ഭരണികുളങ്ങരയുടെ കാർമ്മികത്വത്തിൽ ദുഖവെള്ളി ആചരിച്ചു

ഡൽഹി:  കോവിസ് ബാധ മൂലം ദേവാലയങ്ങൾ അടക്കപ്പെട്ടിരിക്കുന്ന സാഹചര്യത്തിൽ ആർച്ച് ബിഷപ്പ് കുര്യാക്കോസ് ഭരണികുളങ്ങരയുടെ കാർമ്മികത്വത്തിൽ നടത്തപ്പെട്ട ദുഖവെള്ളി തിരുകർമ്മങ്ങൾ യൂട്യൂബ് ചാനലായ ട്രൂത്ത് ടൈസിംഗസ് വഴി തൽസമയം സംപ്രേഷണം ചെയ്തു.

പീഡാനുഭവ തിരുക്കർമ്മങ്ങൾക്കു ശേഷം കുരിശിൻ്റെ വഴിയും നടത്തപ്പെട്ടു. ആയിരക്കണക്കിന് വിശ്വാസികൾ അവരവരുടെ ഭവനങ്ങളിൽ ആയിരുന്നുകൊണ്ട് ഓൺലൈനിൽ തിരുകർമ്മങ്ങളിൽ പങ്കെടുത്തു.

ക്രൂശിതനായ ക്രിസ്തുവിൻ്റെ കുരിശ് ദൈവത്തിൻ്റെ ശക്തിയാണെന്നും ക്രൂശിതരൂപം രക്ഷയുടെ ഉറവിടമാണെന്നും അതുകൊണ്ട് കുരിശിനെ സംബന്ധിച്ചുള്ള വികലമായ സിദ്ധാന്തങ്ങളാൽ സ്വാധീനിക്കപ്പെടാതെ ക്രൂശിതനായ ക്രിസ്തുവിൻ്റെ കുരിശ് രക്ഷയുടെ ഉറവിടമാണെന്ന വിശ്വാസ തത്വത്തിൽ ഉറച്ച് നിൽക്കുവാൻ സാധിക്കണമെന്നും ആർച്ച് ബിഷപ്പ് തൻ്റെ സന്ദേശത്തിൽ പറഞ്ഞു.

ഈസ്റ്റർ ഞായറാഴ്ച്ച രാവിലെ 10 മണിക്കും വൈകിട്ട് 3 മണിക്കും 5 മണിക്കും വിശുദ്ധ കുർബാന തൽസമയം സംപ്രേക്ഷണം ചെയ്യപ്പെടും.