ഡൽഹി: എഐസിസിയുടെ സോഷ്യൽ മീഡിയ ഡിപ്പാർട്ട്മെന്റിന്റെ ദേശീയതല എക്സിക്യുട്ടീവ് കമ്മിറ്റിയംഗമായി മലയാളിയായ മാത്യു ആന്റണി ചുമതലയേറ്റു.
തരുണി ധോഡി, ഗൗരവ് പാന്ധി എന്നിവർ കോ-ഓർഡിനേറ്റർമാരായ ദേശീയ സമിതിയിൽ മാത്യു, രാജയ്ഷ് ചെറ്റ്വാൾ, രാജേഷ് ഗിർഗിയാനി എന്നിവരാണ് നിർവാഹക സമിതിയിലുള്ളത്.
കോണ്ഗ്രസ് അധ്യക്ഷ സോണിയ ഗാന്ധിയാണ് കോണ്ഗ്രസിന്റെ സാമൂഹ്യ മാധ്യമ വിഭാഗം ഭാരവാഹികളെ നിയമിച്ചതെന്ന് ജനറൽ സെക്രട്ടറി കെ.സി. വേണുഗോപാൽ അറിയിച്ചു. എഐസിസി ആസ്ഥാനത്തു നടന്ന ചടങ്ങിൽ പുതിയ ഭാരവാഹികൾ ചുമതലയേറ്റു.
ബിജെപിയും സംഘപരിവാറിന്റെ സൈബർ യോദ്ധാക്കളും ഉയർത്തുന്ന വ്യാജപ്രചാരണങ്ങളെ ചെറുക്കുന്നതിനും ദേശീയ തലത്തിൽ കോണ്ഗ്രസിന്റെ സാമൂഹ്യ മാധ്യമ പങ്കാളിത്തം സജീവമാക്കുന്നതിനും ശ്രമിക്കുമെന്ന് മുംബൈയിൽ താമസമാക്കിയ മാത്യു ആന്റണി പറഞ്ഞു.
എൻഎസ്യു ഐയിലൂടെ പ്രവർത്തനം തുടങ്ങിയ മാത്യു, ഓൾ ഇന്ത്യ പ്രഫഷണൽ കോണ്ഗ്രസ് മഹാരാഷ്ട്ര സംസ്ഥാന ജനറൽ സെക്രട്ടറിയും എഐപിസിയുടെ ദേശീയ രാഷ്ട്രീയ ആ്കഷൻ ഗ്രൂപ്പ് അംഗവുമാണ്.