/sathyam/media/agency_attachments/5VspLzgrB7PML1PH6Ix6.png)
Follow Usഡൽഹി: കോവിഡ് 19 വ്യാപനത്തെ തുടർന്ന് വേൾഡ് മലയാളീ കൌൺസിൽ ഡൽഹി പ്രൊവിൻസ് ഡൽഹിയിലും പരിസരത്തും വിശക്കുന്നവർക്ക് ഒരു നേരത്തെ ആഹാരം എന്ന പദ്ധതി 16 മുതൽ തുടരുന്നു.
വിവിധ സന്നദ്ധ സംഘടനകളെ ഏകോപിപ്പിച്ചുകൊണ്ടു വേൾഡ് മലയാളീ കൗൺസിൽ ഡൽഹി പ്രോവിൻസ് രണ്ടാം ദിവസമായ 17 ന് 1,000 ഭക്ഷണ പൊതികൾ വിതരണം ചെയ്തു.
/ "publive-image")
ലോക്ക് ഡൗണ്‍ വീണ്ടും തുടരുന്നതിനാൽ നിരവധി ദിവസവേതനക്കാര്‍ പട്ടിണിയിലായിരിക്കുന്ന സാഹചര്യത്തിൽ ബുദ്ധിമുട്ടനുഭവിക്കുന്ന പാവപ്പെട്ട ജനങ്ങൾ താമസിക്കുന്ന ശക്കുർ ബസ്തി, കാശ്മീരി ഗേറ്റ്, ശാന്തിവൻ, രാജ്ഘട്ട്, ഹനുമാൻ മന്ദിർ തുടങ്ങിയ ഡല്‍ഹിയുടെ വിവിധ ഭാഗങ്ങളിൽ കഴിയുന്നകഴിയുന്നവർക്കാണ് 17ന് ഭക്ഷണ പൊതികൾ വിതരണം ചെയ്തത്.
ജസ്റ്റീസ് കുര്യൻ ജോസഫ് ഡബ്ള്യു എം സിയുടെ പ്രവർത്തനങ്ങളിൽ സഹായം നൽകുന്നു. ഡബ്ള്യു എം സിയുടെ ഉപദേശക സമതി അംഗമായ ഡോ. ലില്ലി ജോർജ് ആണ് ഭക്ഷണപ്പൊതികൾ ഇന്ന് സ്പോൺസർ ചെയ്തത്.
ഫാ. പയസ് മലേകണ്ടത്തിൽ, ഫാ. മാത്യു, സിസ്റ്റെർസ് ഓഫ് ദ ഹോളി ക്രോസ്സ് കോൺഗ്രിഗേഷനിലെ സിസ്റ്റർ റാണി, ആർ കെ പുരം സെയിന്റ് പീറ്റേഴ്സ് ചർച് പിതൃവേദിയും, പ്രചോദന സോഷ്യൽ സർവീസ് സൊസൈറ്റിയും, ബന്ധുവ മുക്തി മോർച്ച അംഗങ്ങളും ചേർന്നാണ് ഭക്ഷണപ്പൊതികൾ അർഹതപ്പെട്ടവരിൽ എത്തിക്കുന്നത്.
കൂടാതെ ഡൽഹിയുടെ വിവിധ ആശുപത്രികളിൽ ചികിത്സയിൽ കഴിയുന്ന അവശ വിഭാഗങ്ങളിൽപ്പെട്ട രോഗികള്‍ക്കും അവരുടെ ആശ്രിതർക്കും കഷ്ടതയനുഭവിക്കുന്നവർക്കും സ്വാന്തനമാകുവാൻ സാധിച്ചു.
കൊറോണ മഹാമാരിയോട് അക്ഷരാർത്ഥത്തിൽ യുദ്ധം ചെയ്യുന്ന മെഡിക്കൽ സ്റ്റാഫിന്റെ സുരക്ഷിതത്വം ഉറപ്പു വരുത്തുവാൻ ഡൽഹി പൊലീസിലെ മലയാളികളായ പോലീസ് ഉദ്യോഗസ്ഥരെയും വിവിധ ഹോസ്പിറ്റലുകളിൽ സേവനമനുഷ്ഠിക്കുന്ന നഴ്സിംഗ് മേധാവികളെയും ചേർത്തുകൊണ്ട് 'കോവിഡ് 19 പോലീസ് മെഡ് സ്റ്റാഫ്' എന്ന കൂട്ടായ്മ രൂപീകരിക്കുകയും, മെഡിക്കൽ സ്റ്റാഫിന്റെ ആവശ്യങ്ങളിൽ താമസംവിനാ ഇടപെട്ടുകൊണ്ട് നിരന്തരമായ പ്രശ്ന പരിഹാരം സാധിക്കുന്നു.
ഈ ഗ്രൂപ്പിന്റെ പ്രധാന ഉദ്ദേശം പോലീസും മെഡിക്കൽ സ്റ്റാഫും കൊറോണ മഹാമാരിയെ ചെറുത്തു നിൽക്കുന്നതിന് അത്യന്താപേക്ഷിതവും പരസ്പരപൂരകവുമായ ഘടകമാണ് എന്നുള്ള വസ്തുത മനസിലാക്കി ഒരുമയോടെ തോളോട് തോൾ ചേർന്ന് പ്രവർത്തിക്കുക എന്നതാണ്.
ഈ പ്രതിസന്ധി ഘട്ടത്തിൽ മെഡിക്കൽ സ്റ്റാഫിന് പോലീസ് നൽകുന്ന സഹായം അവരുടെ മനോബലം കൂട്ടുവാൻ സാധിക്കുന്നു. ബ്ലഡ് ഡൊണേഴ്സ് കേരളാ, ഡൽഹി ചാപ്റ്ററുമായി ചേർന്നുകൊണ്ട് എയി൦സിൽ ചികിത്സയിൽ കഴിയുന്ന ഷാലു എന്ന 18 കാരിക്ക് രക്തദാനം നൽകി.
ആവശ്യമനുസരിച്ചു നാനാവിധമായ സന്നദ്ധ പ്രവർത്തനങ്ങൾ വരും ദിവസങ്ങളിലും തുടരും.