/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/11/07/5gTizPtfKzlhAYpmYhRW.jpg)
ബംഗളൂരു: ബോളിവുഡ് നടന്‍ സല്‍മാന്‍ ഖാന് വധഭീഷണി മുഴക്കിയ കേസില്‍ രാജസ്ഥാന്‍ സ്വദേശി പിടിയില്‍. കര്‍ണാടകയില്‍ നിന്നാണ് വെല്‍ഡറായ ഭിഖാറാം ജലറാം ബിഷ്ണോയിയെ മുംബൈ പോലീസ് അറസ്റ്റ് ചെയ്തത്.
മഹാരാഷ്ട്ര ആന്റി ടെറര്‍ സ്‌ക്വാഡില്‍ (എടിഎസ്) നിന്ന് സൂചന ലഭിച്ചതിനെത്തുടര്‍ന്ന് ബിഷ്ണോയിയെ ആദ്യം ഹവേരി പോലീസ് കസ്റ്റഡിയിലെടുക്കുകയും പിന്നീട് മുംബൈ പോലീസിന് കൈമാറുകയും അറസ്റ്റ് ചെയ്യുകയും ചെയ്തു.
ഭിഖാറാം ബിഷ്ണോയിക്ക് ഏതെങ്കിലും സംഘവുമായി ബന്ധമുണ്ടോ ഇല്ലയോ എന്ന കാര്യത്തില്‍ ഇതുവരെ സ്ഥിരീകരണമില്ല.
കൃഷ്ണമൃഗത്തെ കൊന്നതിന് നടന്‍ ഒന്നുകില്‍ ക്ഷേത്രം സന്ദര്‍ശിച്ച് മാപ്പ് പറയണമെന്നും അല്ലെങ്കില്‍ പകരം 5 കോടി രൂപ നല്‍കണമെന്നും ലോറന്‍സ് ബിഷ്ണോയ് സംഘത്തില്‍ നിന്ന് സല്‍മാന്‍ ഖാന് പുതിയ ഭീഷണി ലഭിച്ചതിന് തൊട്ടുപിന്നാലെയാണ് അറസ്റ്റ്.
ലോറന്‍സ് ബിഷ്ണോയിയുടെ സഹോദരനെന്ന് അവകാശപ്പെടുന്ന ഒരാളില്‍ നിന്ന് തിങ്കളാഴ്ച ഒരു സന്ദേശം ലഭിച്ചതായി മുംബൈ പോലീസിന്റെ ട്രാഫിക് കണ്‍ട്രോള്‍ യൂണിറ്റ് പറഞ്ഞു. സല്‍മാന്‍ ഖാന് തങ്ങള്‍ പറഞ്ഞത് ചെയ്തില്ലെങ്കില്‍ കൊല്ലപ്പെടുമെന്നാണ് ഭീഷണി.