ദളിതനായ 17കാരന്‍റെ മുടി വെട്ടാൻ വിസമ്മതിച്ചു; ബാർബർ ഷോപ്പ് ഉടമയും മകനും അറസ്റ്റിൽ

ചെന്നൈ: തമിഴ്നാട്ടിൽ ദളിതരുടെ മുടി വെട്ടാൻ വിസമ്മതിച്ച ബാർബർ ഷോപ്പ് ഉടമയേയും മകനേയും പൊലീസ് അറസ്റ്റ് ചെയ്തു. ധർമപുരി കീരൈപ്പട്ടി സ്വദേശികളായ ചിന്നയ്യൻ (56) മകൻ യോ​ഗേശ്വർ (26) എന്നിവരാണ് അറസ്റ്റിലായത്.

കേളപ്പാറ ദളിത് കോളനിയിൽ താമസിക്കുന്ന 17കാരൻ കഴിഞ്ഞ വ്യാഴാഴ്ച ബാർബർ ഷോപ്പിലെത്തിയപ്പോൾ ജാതി ചൂണ്ടിക്കാട്ടി യോ​ഗേശ്വർ മുടി വെട്ടാൻ വിസമ്മതിക്കുകയായിരുന്നു. ചിന്നയ്യയും എതിർത്തു.

ഇരുവരുടേയും സംസാരം വീഡിയോയിൽ പകർത്തി ശനിയാഴ്ച വൈകീട്ട് ഹരൂർ പൊലീസിൽ പരാതി നൽകി.