തമിഴ്നാട്ടിൽ മന്ത്രിയുടെ ഡ്രൈവറും സുഹൃത്തുക്കളും ചേർന്ന് പെൺകുട്ടിയെ പീഡിപ്പിച്ചെന്ന് ബിജെപി ആരോപണം

ചെന്നൈ: തമിഴ്നാട്ടിൽ  വിദ്യാഭ്യാസ മന്ത്രിയുടെ ഡ്രൈവറും സുഹൃത്തുക്കളും ചേർന്ന് കോളേജ് വിദ്യാർത്ഥിനിയെ പീഡിപ്പിക്കുകയും സംഭവത്തിൻ്റെ വീഡിയോ ഉപയോഗിച്ച് ബ്ലാക്ക് മെയിൽ ചെയ്യുകയും ചെയ്തുവെന്നാരോപിച്ച് ബിജെപി നേതാവ് രംഗത്ത്.

പോലീസ് കുറ്റകൃത്യം മറച്ചുവെക്കുകയാണെന്നും മുഖ്യമന്ത്രി എംകെ സ്റ്റാലിൻ സംഭവത്തിൽ നിന്ന് ജനശ്രദ്ധ തിരിക്കാൻ കഠിനമായി ശ്രമിക്കുന്നുവെന്നും അദ്ദേഹം ആരോപിച്ചു.

വിദ്യാഭ്യാസ മന്ത്രി അൻബിൽ മഹേഷിന് വേണ്ടിയാണ് ഡ്രൈവർ ജോലി ചെയ്തതെന്ന് ബിജെപി വ്യവസായ വിഭാഗം വൈസ് പ്രസിഡൻ്റ് സെൽവ കുമാർ പറഞ്ഞു.

പ്രതികൾ  പെൺകുട്ടിയെ ലൈംഗികമായി ദുരുപയോഗം ചെയ്യുകയും കുറ്റകൃത്യത്തിൻ്റെ വീഡിയോ എടുക്കുകയും പെൺകുട്ടിയെ ബ്ലാക്ക് മെയിൽ ചെയ്യാൻ വീഡിയോ ഉപയോഗിക്കുകയും ചെയ്തു എന്ന് അദ്ദേഹം അവകാശപ്പെട്ടു.

ഇരയായ പെൺകുട്ടി പോലീസ് സൂപ്രണ്ടിൻ്റെ ഓഫീസിലെത്തി പരാതി നൽകി, മന്ത്രിയുടെ ഡ്രൈവർ ഉൾപ്പെട്ടതിനാൽ ഇതുവരെ ഒരു നടപടിയും സ്വീകരിച്ചിട്ടില്ല. ബിജെപി നേതാവ് കൂട്ടിച്ചേർത്തു.