നടി സാമന്തയുടെ പിതാവ് ജോസഫ് പ്രഭു നിര്യാതനായി

ചെന്നൈ: തെന്നിന്ത്യൻ താരം സാമന്ത റൂത്ത് പ്രഭുവിന്റെ പിതാവ് ജോസഫ് പ്രഭു നിര്യാതനായി.  'നമ്മൾ വീണ്ടും കണ്ടുമുട്ടുന്നത് വരെ' എന്ന് എഴുതിയ ഇൻസ്റ്റാഗ്രാം സ്റ്റോറി പങ്കുവെച്ചുകൊണ്ടാണ് നടി മരണ വാർത്ത പങ്കുവെച്ചത്.

ചെന്നൈയിൽ ജോസഫ് പ്രഭുവിൻ്റെയും നിനെറ്റ് പ്രഭുവിൻ്റെയും മകളായാണ് സാമന്ത ജനിച്ചത്. ജോസഫ് പ്രഭു തെലുങ്ക് ആംഗ്ലോ-ഇന്ത്യനാണ്. പ്രൊഫഷണൽ പ്രതിബദ്ധതകൾ ഉണ്ടായിരുന്നിട്ടും, സാമന്ത പലപ്പോഴും തൻ്റെ കുടുംബത്തെക്കുറിച്ചും സിനിമ ഇൻഡസ്ട്രിയിലെ തൻ്റെ യാത്രയിലുടനീളം അവർ നൽകിയ പിന്തുണയെക്കുറിച്ചും സ്നേഹത്തെക്കുറിച്ചും സംസാരിച്ചിട്ടുണ്ട്.

പിതാവിൻ്റെ മരണവാർത്ത സാമന്ത പങ്കുവെച്ചതിന് പിന്നാലെ അവരുടെ  ആരാധകരും സിനിമ രംഗത്തെ സഹപ്രവർത്തകരും അനുശോചനം രേഖപ്പെടുത്തി.