രാമേശ്വരം: ഇന്ത്യന് മഹാസമുദ്രത്തിലെ പാക്ക് ഉള്ക്കടല് മേഖലയിലെ ഡെല്ഫ് ദ്വീപിന് സമീപം 13 ഇന്ത്യന് മത്സ്യത്തൊഴിലാളികളെ പിടികൂടി ശ്രീലങ്കന് നാവികസേന. മൂന്ന് ബോട്ടുകള് പിടികൂടുകയും ചെയ്തു.
പിടിയിലായത് തമിഴ്നാട്ടിലെ പുതുക്കോട്ട ജില്ലയില് നിന്നുള്ള മത്സ്യത്തൊഴിലാളികളാണെന്നാണ് രാമേശ്വരത്തെ മത്സ്യത്തൊഴിലാളി അസോസിയേഷന് ലഭിച്ച വിവരം. ശ്രീലങ്കയുടെ സമുദ്രാതിര്ത്തിയില് ഇന്ത്യയുടെ അന്താരാഷ്ട്ര അതിര്ത്തി കടന്ന് മീന് പിടിക്കുകയായിരുന്നു ഇവരെന്നാണ് റിപ്പോര്ട്ട്.
ജൂലൈ 1 ന് ശ്രീലങ്കന് നാവികസേന 26 ഇന്ത്യന് മത്സ്യത്തൊഴിലാളികളെ പിടികൂടുകയും പാക്ക് ബേ കടല് മേഖലയില് നിന്ന് നാല് ബോട്ടുകളും പിടികൂടുകയും ചെയ്തിരുന്നു. പാക് ഉള്ക്കടലിനോട് ചേര്ന്നുള്ള രാമേശ്വരം ദ്വീപ് മേഖലയിലെ പാമ്പനില് നിന്ന് മത്സ്യബന്ധനത്തിന് പോയതായിരുന്നു മത്സ്യത്തൊഴിലാളികള്.
ശ്രീലങ്കന് നാവികസേനയുടെ നീക്കത്തെ അപലപിച്ച് പാമ്പനിലെ മത്സ്യത്തൊഴിലാളികള് കുടുംബസമേതം റോഡ് ഉപരോധിച്ചു.
ജൂണ് അവസാനവാരം ശ്രീലങ്കന് കടല്ത്തീരത്ത് നെടുന്തീവ് ദ്വീപിന് സമീപം മത്സ്യബന്ധനം നടത്തിയതിന് 22 തമിഴ്നാട് മത്സ്യത്തൊഴിലാളികളെ ശ്രീലങ്കന് നാവികസേന പിടികൂടിയതായി രാമേശ്വരം മത്സ്യത്തൊഴിലാളി അസോസിയേഷന് അറിയിച്ചു. മൂന്ന് ബോട്ടുകളും പിടിച്ചെടുത്തിരുന്നു.