സമൂഹത്തിലെ ഒരു പ്രത്യേക വിഭാഗം ദാരിദ്ര്യത്തില്‍ കഴിയുമ്പോള്‍ ഒരു രാജ്യത്തിനോ സംസ്ഥാനത്തിനോ പുരോഗതി കൈവരിക്കാനാകില്ല; ഒബിസി പട്ടികയ്ക്ക് കീഴില്‍ മുസ്ലീം സമുദായത്തിന് അനുവദിച്ച 4 ശതമാനം സംവരണം നിലനിര്‍ത്താന്‍ തന്റെ പാര്‍ട്ടി പ്രതിജ്ഞാബദ്ധമാണെന്ന് നാരാ ലോകേഷ്

ഡല്‍ഹി: ഒബിസി പട്ടികയ്ക്ക് കീഴില്‍ മുസ്ലീം സമുദായത്തിന് അനുവദിച്ച 4 ശതമാനം സംവരണം നിലനിര്‍ത്താന്‍ തന്റെ പാര്‍ട്ടി പ്രതിജ്ഞാബദ്ധമാണെന്ന് ടിഡിപി ജനറല്‍ സെക്രട്ടറി നാരാ ലോകേഷ്. ടിഡിപിയുടെ എന്‍ഡിഎ സഖ്യകക്ഷിയായ ബിജെപി നേരത്തെ മതപരമായ അടിസ്ഥാനത്തില്‍ സംവരണം നല്‍കിയതിന് തെലങ്കാന, ആന്ധ്രാപ്രദേശ്, കര്‍ണാടക സര്‍ക്കാരുകളെ വിമര്‍ശിച്ചിരുന്നു.

സമൂഹത്തിലെ ഒരു പ്രത്യേക വിഭാഗം ദാരിദ്ര്യത്തില്‍ കഴിയുമ്പോള്‍ ഒരു രാജ്യത്തിനോ സംസ്ഥാനത്തിനോ പുരോഗതി കൈവരിക്കാനാകില്ലെന്ന് നാരാ ലോകേഷ് പറഞ്ഞു.

പ്രാതിനിധ്യം കുറഞ്ഞ സമുദായങ്ങള്‍ക്കുളള അവസരങ്ങള്‍ തുറന്നുകാട്ടേണ്ടത് സര്‍ക്കാരിന്റെ ഉത്തരവാദിത്തമാണെന്നും അദ്ദേഹം പറഞ്ഞു. മുസ്ലീങ്ങള്‍ക്ക് സംവരണം നല്‍കാനുള്ള തീരുമാനം ആരെയും തൃപ്തിപ്പെടുത്താന്‍ എടുത്തതല്ലെന്നും അദ്ദേഹം പറഞ്ഞു.

'മുസ്ലിംകള്‍ക്ക് 4 ശതമാനം സംവരണം നല്‍കാനുള്ള തീരുമാനം ആ കാഴ്ചപ്പാടിലാണ് എടുത്തത്, ആരെയും പ്രീതിപ്പെടുത്താനോ രാഷ്ട്രീയ നേട്ടങ്ങള്‍ നേടാനോ അല്ല,'' അദ്ദേഹം പറഞ്ഞു.

അടുത്തിടെ സമാപിച്ച ലോക്സഭാ തിരഞ്ഞെടുപ്പില്‍ ടിഡിപി തകര്‍പ്പന്‍ പ്രകടനമാണ് കാഴ്ച വച്ചത്.