റിപ്പബ്ലിക്ക് ദിന പരേഡിൽ പങ്കെടുക്കുന്ന കോസ്റ്റ് ഗാർഡ് ബാൻഡ് സംഘത്തെ നയിക്കാന്‍ മലയാളി

ഡല്‍ഹി: റിപ്പബ്ലിക് ദിന പരേഡില്‍ പങ്കെടുക്കുന്ന കോസ്റ്റ് ഗാർഡിന്റെ ബാൻഡ് സംഘത്തെ നയിക്കുന്നത് മലയാളിയാണ്. കോഴിക്കോട് രാമനാട്ടുകര സ്വദേശി ഉത്തം അധികാരി പാപ്പനൂർ ഗോപാൽ ബാബു. 

3 സബ് ഓഫിസർമാർ ഉൾപ്പെടെ 75 അംഗ ബാൻഡ് സംഘത്തിൽ 3 മലയാളികൾ കൂടിയുണ്ട്:

തിരുവനന്തപുരം പൂവാർ സ്വദേശി കെ.എസ്. ബിജോയ്, തൃശൂർ ചാലക്കുടി സ്വദേശി സിജോ ചേലേക്കാട്ട്, രാമനാട്ടുകര സ്വദേശി വി വേക് പുന്നത്ത് എന്നിവരാണ് സംഘത്തിലുള്ളത്. കഴിഞ്ഞ വർഷവും കോസ്റ്റ് ഗാർഡ് ടീം പരേഡില്‍ പങ്കെടുത്തിരുന്നു.