സ്‌കൂട്ടറിലിരുന്ന് സംസാരിക്കുന്നതിനിടെ സമീപത്തെ കെട്ടിടത്തില്‍ നിന്ന് വീണ എസി തലയില്‍ പതിച്ചു, യുവാവിന് ദാരുണാന്ത്യം

ന്യൂഡല്‍ഹി: സ്‌കൂട്ടറിലിരുന്ന് സംസാരിക്കുന്നതിനിടെ രണ്ടാം നിലയില്‍ നിന്ന് എസി വീണ് 18കാരന്‍ മരിച്ചു. ഡൽഹി ദേശ് ബന്ധു ഗുപ്ത റോഡിലെ ഡോരിവാല മേഖലയിൽ ഇന്നലെ വൈകിട്ട് 6.40 ഓടെയാണ് സംഭവം. ജിതേഷ് എന്നയാളാണ് മരിച്ചത്.

#Delhi l 19 year old boy dies after an AC unit falls on him from 3rd floor of a building In Karol Bagh.

CCTV footage of the tragic incident surfaces online. #viralvideo pic.twitter.com/znWp1yNwOV

— Neetu Khandelwal (@T_Investor_) August 18, 2024

സംഭവത്തിന്റെ സിസിടിവി ദൃശ്യങ്ങള്‍ പ്രചരിക്കുന്നുണ്ട്. പ്രാന്‍ഷു (17) എന്നയാളുമായി സംസാരിക്കുന്നതിനിടെ തൊട്ടടുത്തു കെട്ടിടത്തിന്റെ രണ്ടാം നിലയില്‍ നിന്ന് താഴേക്ക് വീണ എസി ജിതേഷിന്റെ തലയില്‍ പതിക്കുകയായിരുന്നു. യുവാവ് തല്‍ക്ഷണം മരിച്ചു. അപകടത്തില്‍ പ്രാന്‍ഷുവിനും പരിക്കേറ്റു. പൊലീസ് കേസെടുത്തു.