/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/TNhdzt6OJEn4H5a0Njaq.jpg)
ഡല്‍ഹി: വര്‍ഷങ്ങളായി ഇന്ത്യന്‍ സിനിമ ഒരുപാട് മാറ്റങ്ങള്‍ക്ക് വിധേയമായിട്ടുണ്ടെന്ന് മുതിര്‍ന്ന ഗാനരചയിതാവും തിരക്കഥാകൃത്തുമായ ജാവേദ് അക്തര്‍. ഇന്ത്യന്‍ സിനിമയ്ക്ക് നല്‍കിയ സംഭാവനകള്‍ പരിഗണിച്ച് നല്‍കിയ പത്മപാണി ലൈഫ് ടൈം അച്ചീവ്മെന്റ് അവാര്‍ഡ് ഏറ്റുവാങ്ങി സംസാരിക്കുകയായിരുന്നു അദ്ദേഹം.
ജനങ്ങള്‍ക്ക് വേണ്ടി ഏത് തരത്തിലുള്ള സിനിമകള്‍ ചെയ്യണമെന്ന് തീരുമാനിക്കേണ്ടത് സംവിധായകരാണെന്നും മുന്‍കാലങ്ങളിലെ നായകന്മാര് വളരെ വ്യത്യസ്തരായിരുന്നുവെന്നും അദ്ദേഹം പറഞ്ഞു.
സിനിമകള്‍ നിര്‍മ്മിക്കുന്നതില്‍ കാലം വളരെയധികം മുന്നേറിയെന്നും അക്തര്‍ പറഞ്ഞു. എന്നാല്‍ ഭാഷ, സാഹിത്യം, ശാസ്ത്രീയ സംഗീതം എന്നിവ പിന്നോട്ട് പോയി. ഈ മൂല്യങ്ങള്‍ക്ക് ഇപ്പോഴും പ്രാധാന്യം കല്‍പ്പിക്കുന്ന സംസ്ഥാനമാണ് മഹാരാഷ്ട്രയെന്നും സിനിമാ തിരക്കഥകള്‍ എഴുതുമ്പോള്‍ അവയുടെ സാമ്പത്തികമോ സാമൂഹികമോ ആയ ആഘാതത്തെക്കുറിച്ച് താന്‍ ഒരിക്കലും ചിന്തിച്ചിട്ടില്ലെന്നും അദ്ദേഹം പറഞ്ഞു.
ഓണ്‍-സ്‌ക്രീന്‍ നായകന്മാരെക്കുറിച്ചുള്ള മാറിക്കൊണ്ടിരിക്കുന്ന ധാരണയെക്കുറിച്ചും അദ്ദേഹം ചൂണ്ടിക്കാട്ടി.നായകന്മാര് തനിക്ക് ഇഷ്ടപ്പെട്ട പെണ്‍കുട്ടിയെ വിവാഹം കഴിക്കാന്‍ മാതാപിതാക്കള്‍ക്കെതിരെ കലാപം നടത്തിയ ഒരു കാലഘട്ടമുണ്ടായിരുന്നുവെന്നും എന്നാല്‍, ഇന്ന് നമുക്ക് അത്തരം കഥാപാത്രങ്ങളെ സിനിമയില്‍ അവതരിപ്പിക്കാന്‍ കഴിയുന്നില്ലെന്നും അദ്ദേഹം അഭിപ്രായപ്പെട്ടു.
ഏത് തരത്തിലുള്ള സിനിമ നിര്‍മ്മിക്കണമെന്ന് സംവിധായകര്‍ സ്വയം തീരുമാനിക്കണം, അതുവഴി സിനിമാ വ്യവസായത്തെ ശക്തിപ്പെടുത്താനും പ്രേക്ഷകരുടെ പ്രീതി നേടാനും കഴിയുമെന്നും അദ്ദേഹം പറഞ്ഞു.
മഹാരാഷ്ട്രയിലെ ഛത്രപതി സംഭാജിനഗറില്‍ 9-ാമത് അജന്ത-എല്ലോറ ഇന്റര്‍നാഷണല്‍ ഫിലിം ഫെസ്റ്റിവലിന്റെ ഉദ്ഘാടന വേളയിലാണ് 78 കാരനായ മുതിര്‍ന്ന ഗാനരചയിതാവിന് അവാര്‍ഡ് സമ്മാനിച്ചത്.