പ്രധാനമന്ത്രി നരേന്ദ്ര മോദി സന്ദര്‍ശനത്തിനെത്തുമ്പോള്‍ മഹാരാഷ്ട്ര സുരക്ഷിതമല്ല: സഞ്ജയ് റാവത്ത്

മുംബൈ:  പ്രധാനമന്ത്രി നരേന്ദ്ര മോദിയുടെ നാം ഒരുമിച്ചാല്‍ സുരക്ഷിതരാണ് എന്ന മുദ്രാവാക്യത്തെ വിമര്‍ശിച്ച് ശിവസേന (യുബിടി) നേതാവ് സഞ്ജയ് റാവത്ത് രംഗത്ത്. മഹാരാഷ്ട്ര ഇതിനകം തന്നെ സുരക്ഷിതമായ സംസ്ഥാനമാണെന്ന് അദ്ദേഹം വാദിച്ചു.

പ്രധാനമന്ത്രി സംസ്ഥാനം സന്ദര്‍ശിക്കുമ്പോഴെല്ലാം അസ്ഥിരതയുണ്ടാക്കുന്നുവെന്ന് ആരോപിച്ച റാവുത്ത് പ്രധാനമന്ത്രി മോദിയുടെ സന്ദര്‍ശനങ്ങള്‍ ഭിന്നിപ്പുണ്ടാക്കാനും അശാന്തി ഉണ്ടാക്കാനുമാണെന്ന് അവകാശപ്പെടുകയും ചെയ്തു.

എന്തുകൊണ്ടാണ് പ്രധാനമന്ത്രി മോദി ഇത്തരം ഭാഷ ഉപയോഗിക്കുന്നത് എന്ന് എനിക്ക് മനസ്സിലാകുന്നില്ല. പഴയ മുദ്രാവാക്യം പരാജയപ്പെട്ടതിനെ തുടര്‍ന്നാണ് അദ്ദേഹം ഇപ്പോള്‍ പുതിയ മുദ്രാവാക്യം അവതരിപ്പിച്ചിരിക്കുന്നത്.

മഹാരാഷ്ട്രയില്‍ ജനങ്ങള്‍ സുരക്ഷിതരാണ്, എന്നാല്‍ മോദി സന്ദര്‍ശനം നടത്തുമ്പോഴെല്ലാം ഭിന്നിപ്പുണ്ടാക്കുകയും അശാന്തി ഉണ്ടാക്കുകയും ചെയ്യുന്നതിനാല്‍ സംസ്ഥാനം സുരക്ഷിതമല്ലാതായി.

യഥാര്‍ത്ഥത്തില്‍ സുരക്ഷ ഉറപ്പാക്കാന്‍, ഞങ്ങള്‍ ബിജെപിയെ നീക്കം ചെയ്യേണ്ടതുണ്ട്, ശിവസേന (യുബിടി) നേതാവ് പറഞ്ഞു.