ഒടുവില്‍ ആ ചോദ്യത്തിനും ഉത്തരം! തുടര്‍ച്ചയായ പത്താം തവണയും റിപ്പോ നിരക്ക് മാറ്റമില്ലാതെ നിലനിര്‍ത്താന്‍ തീരുമാനിച്ച് ആര്‍ബിഐ, റിപ്പോ നിരക്ക് 6.5 ശതമാനത്തില്‍ തുടരും

മുംബൈ: റിസര്‍വ് ബാങ്ക് ഓഫ് ഇന്ത്യയുടെ (ആര്‍ബിഐ) 2025 സാമ്പത്തിക വര്‍ഷത്തേക്കുള്ള ദ്വിമാസ നയം പ്രഖ്യാപിച്ചു. ആറംഗ ആര്‍ബിഐ മോണിറ്ററി പോളിസി കമ്മിറ്റിയുടെ (എംപിസി) മൂന്ന് ദിവസത്തെ യോഗത്തിന് ശേഷമാണ് പ്രഖ്യാപനം.

തുടര്‍ച്ചയായ പത്താം തവണയും റിപ്പോ നിരക്ക് മാറ്റമില്ലാതെ നിലനിര്‍ത്താനാണ് ആര്‍ബിഐ തീരുമാനം.

ഒക്ടോബര്‍ 7 നും 9 നും ഇടയില്‍ ചേര്‍ന്ന ആര്‍ബിഐയുടെ മോണിറ്ററി പോളിസി കമ്മിറ്റിയുടെ യോഗമാണ് റിപ്പോ നിരക്ക് വര്‍ധിപ്പിക്കേണ്ടതില്ല എന്ന തീരുമാനത്തിലേക്ക് എത്തിയത്. ഇതോടെ 6.5 ശതമാനമായി തന്നെ റിപ്പോ നിരക്ക് തുടരും.

പണപ്പെരുപ്പവും സാമ്പത്തിക വളര്‍ച്ചയും സന്തുലിതമാക്കുന്നതിനായി ആര്‍ബിഐയുടെ നിരക്ക് നിശ്ചയിക്കുന്ന പാനല്‍ തുടര്‍ച്ചയായ പത്താം മീറ്റിംഗിലും ബെഞ്ച്മാര്‍ക്ക് റിപ്പോ നിരക്ക് 6.5 ശതമാനത്തില്‍ മാറ്റമില്ലാതെ നിലനിര്‍ത്തുമെന്ന് പരക്കെ പ്രതീക്ഷിച്ചിരുന്നു.

സുരക്ഷിതമല്ലാത്ത വായ്പാ വിഭാഗങ്ങളിലെ പിരിമുറുക്കം ആര്‍ബിഐ സൂക്ഷ്മമായി നിരീക്ഷിക്കുന്നുണ്ടെന്ന് ആര്‍ബിഐ ഗവര്‍ണര്‍ ശക്തികാന്ത ദാസ് പറഞ്ഞു