ആഗോളതലത്തില്‍ തീവ്രവാദ വിരുദ്ധതയുടെ ശക്തമായ പ്രതീകമായി മുംബൈ മാറി: തീവ്രവാദത്തിന്റെ വെല്ലുവിളിക്ക് മുന്നില്‍ ആരാണ് ഉറച്ചു നില്‍ക്കുന്നതെന്ന് ലോകം ചോദിക്കുമ്പോള്‍ ആളുകള്‍ പറയുന്നത് ഇന്ത്യയെന്നാണെന്ന് എസ് ജയശങ്കര്‍

മുംബൈ: ആഗോളതലത്തില്‍ തീവ്രവാദ വിരുദ്ധതയുടെ ശക്തമായ പ്രതീകമായി മുംബൈ മാറിയെന്ന് വിദേശകാര്യ മന്ത്രി എസ് ജയശങ്കര്‍.

രാജ്യം മുന്‍കാല തെറ്റുകള്‍ ആവര്‍ത്തിക്കരുതെന്നും ഭീകരതയ്ക്കെതിരെ നിലപാട് സ്വീകരിക്കണമെന്നും അദ്ദേഹം കൂട്ടിച്ചേര്‍ത്തു. മുംബൈയില്‍ വാര്‍ത്താസമ്മേളനത്തില്‍ സംസാരിക്കവെയാണ് ജയശങ്കറിന്റെ പരാമര്‍ശം.

ഇന്ത്യയ്ക്കും ലോകത്തിനുമുള്ള തീവ്രവാദ വിരുദ്ധതയുടെ പ്രതീകമാണ് മുംബൈയെന്ന് ജയശങ്കര്‍ മാധ്യമപ്രവര്‍ത്തകരെ അഭിസംബോധന ചെയ്ത് പറഞ്ഞു.

ഞങ്ങള്‍ യുഎന്‍എസ്സിയില്‍ അംഗമായിരുന്നപ്പോള്‍ തീവ്രവാദ വിരുദ്ധ സമിതിയുടെ പ്രസിഡന്റായിരുന്നു. ഭീകരാക്രമണം നടന്ന മുംബൈയിലെ ഹോട്ടലില്‍ വെച്ചാണ് ഞങ്ങള്‍ ആദ്യമായി സുരക്ഷാ കൗണ്‍സില്‍ യോഗം ചേര്‍ന്നത്.

തീവ്രവാദത്തിന്റെ ഈ വെല്ലുവിളിക്ക് മുന്നില്‍ ആരാണ് ഉറച്ചുനില്‍ക്കുന്നതെന്ന് ലോകം ചോദിക്കുമ്പോള്‍ ആളുകള്‍ ഇന്ത്യ എന്ന് പറയുന്നു.

മുംബൈ ഭീകരാക്രമണം നേരിട്ടപ്പോള്‍ അന്ന് ഇന്ത്യയുടെ ഭാഗത്ത് നിന്ന് പ്രതികരണമൊന്നും ഉണ്ടായിട്ടില്ലെന്നും അദ്ദേഹം പറഞ്ഞു.

ഇന്ന് നമ്മള്‍ ഭീകരതയ്ക്കെതിരെ പോരാടുന്നു. മുംബൈയില്‍ സംഭവിച്ചത് ആവര്‍ത്തിക്കരുത്. ഈ നഗരത്തിന് നേരെ ആക്രമണമുണ്ടായപ്പോള്‍ അന്ന് പ്രതികരണമുണ്ടായില്ല. അത് നമുക്ക് നല്ലതല്ലെന്നും അദ്ദേഹം പറഞ്ഞു.