മഹാരാഷ്ട്ര നിയമസഭാ തിരഞ്ഞെടുപ്പ്: പ്രകടന പത്രിക പുറത്തിറക്കി ഉദ്ധവ് താക്കറെയുടെ ശിവസേന

മുംബൈ:  ശിവസേന (യുബിടി) ഉദ്ധവ് താക്കറെ വിഭാഗം മഹാരാഷ്ട്ര നിയമസഭാ തെരഞ്ഞെടുപ്പിനുള്ള പാര്‍ട്ടിയുടെ പ്രകടനപത്രിക പുറത്തിറക്കി, പുരുഷ വിദ്യാര്‍ത്ഥികള്‍ക്ക് സൗജന്യ വിദ്യാഭ്യാസം, അവശ്യവസ്തുക്കളുടെ വില സ്ഥിരപ്പെടുത്തുന്നു തുടങ്ങി നിരവധി വാഗ്ദാനങ്ങളാണ് ഉള്ളത്.

വോട്ടെടുപ്പ് വാഗ്ദാനങ്ങളില്‍ ഭൂരിഭാഗവും പ്രതിപക്ഷ മഹാ വികാസ് അഘാദിയുടെ (എംവിഎ) മൊത്തത്തിലുള്ള ഉറപ്പുകളുടെ ഭാഗമാണെന്നും എന്നാല്‍ പ്രത്യേക ശ്രദ്ധ നല്‍കേണ്ട ചില പോയിന്റുകളുണ്ടെന്നും താക്കറെ പറഞ്ഞു.

ശിവസേന (യുബിടി), കോണ്‍ഗ്രസ്, ശരദ് പവാറിന്റെ എന്‍സിപി (എസ്പി) എന്നിവ ഉള്‍പ്പെടുന്ന എംവിഎയും നവംബര്‍ 20ന് നടക്കുന്ന സംസ്ഥാന നിയമസഭാ തിരഞ്ഞെടുപ്പിനുള്ള പ്രകടനപത്രിക പുറത്തിറക്കുമെന്ന് അദ്ദേഹം പറഞ്ഞു.

എംവിഎ അവശ്യസാധനങ്ങളുടെ വില സ്ഥിരത നിലനിര്‍ത്തുമെന്നും അദ്ദേഹം പറഞ്ഞു. എന്‍സിപി (എസ്പി), കോണ്‍ഗ്രസ്, ഉദ്ധവ് താക്കറെയുടെ ശിവസേന (യുബിടി) എന്നിവ ഉള്‍പ്പെടുന്നതാണ് എംവിഎ.