06
Thursday October 2022
Mumbai

ജെസ്റ്റ് ഡയലിനെ വാങ്ങാന്‍ മുകേഷ് അംബാനിയുടെ റിലയന്‍സ് ഇന്‍ട്രസ്ട്രീസ് ലിമിറ്റഡ്

ന്യൂസ് ബ്യൂറോ, മുംബൈ
Monday, July 19, 2021

മുംബൈ: മുകേഷ് അംബാനിയുടെ റിലയന്‍സ് ഇന്‍ട്രസ്ട്രീസ് ലിമിറ്റഡ് ജെസ്റ്റ് ഡയല്‍ ലിമിറ്റഡിനെ വാങ്ങുന്നു. ജസ്റ്റ് ഡയലിന്‍റെ ഭൂരിഭാഗം ഓഹരികളും റിലയന്‍സ് വാങ്ങുന്നത് 5,719 കോടിയുടെ ഇടപാടിലൂടെയാണ് എന്നാണ് റിപ്പോര്‍ട്ട്.

പ്രിഫറന്‍ഷ്യല്‍ അലോട്ട്മെന്‍റ് വഴി 25.35 ശതമാനം, ഓപ്പണ്‍ ഓഫര്‍ വഴി 26 ശതമാനം, പ്രമോട്ടര്‍മാരില്‍ നിന്ന് സെക്കന്‍ററി പര്‍ച്ചേസ് 15.62 ശതമാനം ഇങ്ങനെയാണ് റിലയന്‍സ് ജസ്റ്റ് ഡയലില്‍ വാങ്ങുന്ന ഓഹരികളുടെ കണക്ക്.

മൊത്തത്തില്‍ റിലയന്‍സിന്‍റെ കീഴിലെ റിലയന്‍സ് റീട്ടെയില്‍ വെന്‍ച്വര്‍സ് ലിമിറ്റഡ് ജസ്റ്റ് ഡയലിന്‍റെ 66.95 ശതമാനം ഓഹരി സ്വന്തമാക്കും. നിലവിലെ പ്രമോട്ടര്‍മാര്‍ കമ്പനിയുടെ 10.6 ശതമാനം ഓഹരി നിലനിര്‍ത്തും.

കമ്പനിയുടെ എംഡിയായ വിഎസ്എസ് മണി അടുത്ത അഞ്ച് കൊല്ലത്തേക്കും ഈ സ്ഥാനത്ത് തന്നെ തുടരുമെന്നാണ് ബ്ലൂംബെര്‍ഗ് റിപ്പോര്‍ട്ട് ചെയ്യുന്നത്. മാര്‍ച്ച് മാസത്തിലെ ഫയലിംഗ് അനുസരിച്ച് ആപ്പ്, വോയിസ് സേവനങ്ങളിലായി ജസ്റ്റ് ഡയലിന് 13 കോടി യൂനിക്ക് യൂസേര്‍സ് ഉണ്ടെന്നാണ് പറയുന്നത്.

അതേ സമയം കമ്പനിയുടെ പ്രവര്‍ത്തന ലാഭത്തില്‍ കഴിഞ്ഞ സാമ്പത്തിക പാദത്തില്‍ 5.8 ശതമാനത്തിന്‍റെ കുറവ് ഉണ്ടായി എന്നാണ് റിപ്പോര്‍ട്ടുകള്‍ വന്നത്.

1994 ല്‍ മുംബൈ ആസ്ഥാനമാക്കി ആരംഭിച്ച ജെസ്റ്റ് ഡയല്‍, വിവിധ സേവനങ്ങള്‍ ഉപയോക്താക്കള്‍ക്ക് ഒരു ഫോണ്‍ കോളിലൂടെ ലഭ്യമാക്കുന്ന സേവനമാണ്. അതേ സമയം അടുത്തിടെ ജെഡി മാര്‍ട്ട് പോലുള്ള ഓണ്‍ലൈന്‍ ഇ-കോമേഴ്സ് സേവനങ്ങളും ഇവര്‍ ആരംഭിച്ചിരുന്നു.

Related Posts

More News

വാഷിങ്ടണ്‍: അപകടകാരികളായ ഛിന്നഗ്രഹങ്ങളില്‍നിന്ന് ഭൂമിയെ രക്ഷിക്കുക എന്ന പരീക്ഷണത്തിന്റെ ഭാഗമായി നാസ നടത്തിയ ഡാര്‍ട്ട് വിക്ഷേപണത്തിന്റെ കൂടുതല്‍ വിവരങ്ങള്‍ പുറത്തുവരുന്നു. ഡാര്‍ട്ട് ഇടിച്ചു തെറിപ്പിച്ച ഛിന്നഗ്രഹത്തിന് ഇടിയുടെ ആഘാതത്തില്‍ പതിനായിരം കിലോമീറ്റര്‍ ദൈര്‍ഘ്യമാുള്ള വാല്‍ ദൃശ്യമായിട്ടുണ്ട്. ഛിന്നഗ്രഹത്തിന്റെ തന്നെ അവശിഷ്ടങ്ങളാണ് ജ്വലിക്കുന്ന വാലായി മാറിയത്. ചിലിയില്‍ സ്ഥാപിച്ചിരിക്കുന്ന ടെലിസ്കോപാണ് ഇതിന്റെ ചിത്രങ്ങള്‍ പകര്‍ത്തിയത്. ദിദിമോസ് ഛിന്നഗ്രഹത്തിനു ചുറ്റും കറങ്ങുന്ന ചെറുഛിന്നഗ്രഹമായ ദിമോര്‍ഫോസിനെയാണ് നാസയുടെ ഡാര്‍ട്ട് ഉപഗ്രഹം ഇടിച്ചത്. ദൗത്യം ഛിന്നഗ്രഹത്തിന്റെ സഞ്ചാരപഥത്തില്‍ മാറ്റം വരുത്തിയിട്ടുണ്ടോ എന്നറിയാന്‍ ഇനിയും […]

കൊല്ലം: വടക്കാഞ്ചേരിയില്‍ ഒമ്പതു പേരുടെ മരണത്തിനിടയാക്കിയ ടൂറീസ്റ്റ് ബസ് അപകടത്തെ തുടര്‍ന്ന് ഒളിവില്‍ പോയ ഡ്രൈവര്‍ ജോമോന്‍ (ജോജോ പത്രോസ്) അറസ്റ്റില്‍. കൊല്ലം ചവറയില്‍ നിന്നാണ് ഇയാളെ പിടികൂടിയത്. തിരുവനന്തപുരത്തേയ്ക്ക് കടക്കാന്‍ ശ്രമിക്കുന്നതിനിടെയാണ് കൊല്ലം ചവറ ശങ്കരമങ്കലത്ത് നിന്ന് ചവറ പൊലീസ് ജോമോനെ പിടികൂടി വാളാഞ്ചേരി പൊലീസിന് കൈമാറിയത്.

ന്യൂയോര്‍ക്: ഇന്ത്യന്‍ കമ്പനി നിര്‍മിച്ച മരുന്ന കഴിച്ചാണ് ഗാംബിയയില്‍ 66 കുട്ടികള്‍ മരിച്ചതെന്ന് ലോകാരോഗ്യ സംഘടന. പടിഞ്ഞാറന്‍ ആഫ്രിക്കന്‍ രാജ്യമായ ഗാംബിയയില്‍ ചുമയ്ക്ക് നല്‍കിയ മരുന്നാണ് കുട്ടികളില്‍ വൃക്ക തകരാറിനും തുടര്‍ന്ന് മരണത്തിനും കാരണമായതെന്നാണ് ആരോപണം. ഡല്‍ഹി ആസ്ഥാനമായി പ്രവര്‍ത്തിക്കുന്ന മെയ്ഡന്‍ ഫാര്‍മസ്യൂട്ടിക്കല്‍സ് നിര്‍മിച്ച നാല് കഫ് സിറപ്പുകളാണ് ഗുരുതര പ്രശ്നങ്ങള്‍ക്കു കാരണമാകുന്നതായി സംശയിക്കപ്പെടുന്നത്. ഇവരുടെ പ്രൊമേത്തസിന്‍ ഓറല്‍ സൊല്യൂഷന്‍, കോഫെക്സ്മാലിന്‍ ബേബി കഫ് സിറപ്, മേക്കോഫ് ബേബി കഫ് സിറപ്, മാഗ്രിപ് എന്‍കോള്‍ഡ് സിറപ് എന്നിവയാണ് […]

കുവൈറ്റ്: ഒക്ടോബര്‍ 9ന് കുവൈറ്റിലെ ഇന്ത്യന്‍ എംബസി അവധി. Milad-un-Nabi യോനുബന്ധിച്ചാണ് അവധി. അന്നെ ദിവസം അടിയന്തിര കോണ്‍സുലാര്‍ സേവനങ്ങള്‍ ലഭ്യമായിരിക്കും.

ബര്‍ലിന്‍: വര്‍ദ്ധിച്ചുവരുന്ന വൈദ്യുതി ബില്ലുകള്‍ക്ക് സബ്സിഡി നല്‍കുമെന്ന് ജര്‍മ്മന്‍ സര്‍ക്കാര്‍ വാഗ്ദാനം ചെയ്തു. ജര്‍മ്മനിയിലെ മിക്ക വൈദ്യുതി ഉപഭോക്താക്കള്‍ക്കും അടുത്ത വര്‍ഷം ഗ്രിഡ് ഫീസ് ഉയരും. എന്നാല്‍ ഉപഭോക്താക്കളുടെ ഭാരം ലഘൂകരിക്കാന്‍ 13 ബില്യണ്‍ യൂറോയുടെ സബ്സിഡി നല്‍കാനാണ് സര്‍ക്കാര്‍ പദ്ധതിയിടുന്നത്. ഗ്രിഡ് ഫീസിന്റെ വില അടുത്ത വര്‍ഷം ഒരു കിലോവാട്ട് മണിക്കൂറിന് ശരാശരി 3.12 സെന്‍റ് ആയി സജ്ജീകരിക്കുമെന്ന് നാല് പ്രധാന ട്രാന്‍സ്മിഷന്‍ സിസ്ററം ഓപ്പറേറ്റര്‍മാര്‍ (TSOs) പറഞ്ഞു, ഇത് നിലവിലെ ശരാശരിയായ 3.08 സെന്‍റ്/kWhനേക്കാള്‍ […]

തെന്നിന്ത്യൻ നായിക താരം ഐശ്വര്യ രാജേഷ് നായികയാകുന്ന പുതിയ ചിത്രം ‘ ഫര്‍ഹാനാ ‘ യുടെ ഫസ്റ്റ് ലുക്ക് പുറത്തുവിട്ടു. ഒരു നാൾ കൂത്ത്, മോൺസ്റ്റർ എന്നീ വ്യത്യസ്ത പ്രമേയ സിനിമകളിലൂടെ ശ്രദ്ധേയനായ നെല്‍സണ്‍ വെങ്കടേശനാണ് സംവിധായകൻ. നെല്‍സണ്‍ വെങ്കടേശൻ തന്നെയാണ് ചിത്രത്തിന്റെ തിരക്കഥയും എഴുതുന്നത്. സ്ത്രീ പ്രാധാന്യമുള്ള സിനിമയിൽ ‘ഫര്‍ഹാന’ എന്ന കഥാപാത്രമായിട്ടു തന്നെയാണ് ഐശ്വര്യ രാജേഷ് അഭിനയിക്കുന്നത്. മലയാളി താരം അനുമോളും സംവിധായകൻ സെല്‍വരാഘവനും, ജിത്തൻ രമേഷ്,ഐശ്വര്യ ദത്ത എന്നിവരും ചിത്രത്തില്‍ പ്രധാന കഥാപാത്രത്തെ […]

തിരുവനന്തപുരം: മുസ്‌ളിംലീഗ് സംസ്ഥാന ഘടകത്തിലെ ചേരിപ്പോരിലിടപ്പെട്ട് പാണക്കാട് സാദിഖലി ശിഹാബ് തങ്ങള്‍. ചേരിതിരിവും ഭിന്നാഭിപ്രായങ്ങളും അവസാനിപ്പിക്കാന്‍ സംസ്ഥാന അദ്ധ്യക്ഷന്‍ കൂടിയായ സാദിഖലി നേതാക്കള്‍ക്ക് അന്ത്യശാസനം നല്‍കി. പോപ്പുലര്‍ ഫ്രണ്ട് നിരോധനം സംബന്ധിച്ച് പാര്‍ട്ടി നേതാക്കളില്‍ നിന്ന് വ്യത്യസ്തമായ പ്രതികരണങ്ങള്‍ പുറത്തുവന്നതിന് പിന്നാലെയാണ് പാണക്കാട് സാദിഖലി തങ്ങളുടെ ശാസന. പാര്‍ട്ടിക്ക് ഒറ്റനിലപാട് മാത്രമേ പാടുളളുവെന്നും നിലപാട് പുറത്തുപറയുമ്പോള്‍ ആശയക്കുഴപ്പം ഉണ്ടാകരുതെന്നുമാണ് സാദിഖലി തങ്ങള്‍ നേതാക്കള്‍ക്ക് നല്‍കിയിരിക്കുന്ന മുന്നറിയിപ്പ്. നേതാക്കളെ നേരിട്ട് വിളിച്ചുവരുത്തിയും സാദിഖലി നിലപാട് അറിയിച്ചിട്ടുണ്ട്. നേതാക്കളുടെ പ്രതികരണത്തിന് […]

അയർലണ്ട് : ഡബ്ലിൻ സീറോ മലബാർ സഭയുടെ നാവൻ കുർബാന സെൻ്ററിൽ ഇടവക മദ്ധ്യസ്ഥയായ നിത്യസഹായ മാതാവിൻ്റെ തിരുനാളും, ഇടവക ദിനവും സൺഡേ സ്കൂൾ വാർഷികവും ആഘോഷമായി നടന്നു. ഒക്ടോബർ ഒന്നാം തീയതി ശനിയാഴ്ച നാവൻ ജോൺസ്ടൗൺ നേറ്റിവിറ്റി ദേവാലയ അങ്കണത്തിൽ ഫാ. റോയ് വട്ടക്കാട്ട് കൊടിയേറ്റ് കർമ്മം നിർവ്വഹിച്ചതോടെ തിരുനാളിനു തുടക്കമായി.   ആഘോഷമായ തിരുനാൾ കുർബാനയ്ക്ക് സീറോ മലബാർ സഭ അയർലണ്ട് നാഷണൽ കോർഡിനേറ്റർ റവ. ഡോ. ക്ലെമൻ്റ് പാടത്തിപറമ്പിൽ മുഖ്യകാർമ്മികനായിരുന്നു.  ഫാ. ജോസഫ് […]

കൊച്ചി: വടക്കഞ്ചേരിയിൽ അപകടത്തിൽ മരിച്ച അഞ്ചു വിദ്യാർഥികളുടെയും മൃതദേഹങ്ങൾ മുളന്തുരുത്തി ബസേലിയസ് വിദ്യാനികേതൻ സ്കൂളില്‍ വൈകിട്ട് മൂന്നുമണിയോടെ പൊതുദർശനത്തിന് എത്തിച്ചു. പ്രിയ വിദ്യാർഥികളുടെ വിയോഗത്തിൽ ദുഃഖം താങ്ങാനാകാതെ കലാലയം കണ്ണീരണിഞ്ഞു. പ്രതിപക്ഷ നേതാവ് വി.ഡി.സതീശൻ ഉള്‍പ്പെടെ അന്ത്യാഞ്ജലി അർപ്പിച്ചു. മരിച്ച അധ്യാപകന് കോവിഡ് സ്ഥിരീകരിച്ചതിനാൽ മൃതദേഹം പൊതുദർശനത്തിന് എത്തിച്ചില്ല. കുരുന്നുകളുടെയും അവരുടെ പ്രിയപ്പെട്ട അധ്യാപകന്റെയും വേർപാടിന്റെ പശ്ചാത്തലത്തിൽ മുളന്തുരുത്തിയും തിരുവാണിയൂരും ഹർത്താൽ ആചരിക്കുകയാണ്. ഉച്ചയ്ക്കു ശേഷം ഇവിടെ കടകമ്പോളങ്ങൾ അടഞ്ഞു കിടക്കുകയാണ്. മരിച്ചവർ എല്ലാവരും തന്നെ ഈ […]

error: Content is protected !!