നെട്ടൂർ മസ്ജിദുൽ ഹിമായയുടെ ഉദ്ഘാടനം വ്യാഴാഴ്ച ; പള്ളി നിർമ്മാണം അറേബ്യൻ മാതൃകയിൽ !

നെട്ടൂർ: ദേശീയപാതയോരത്ത് അറേബ്യൻ മാതൃകയിൽ പുനർനിർമ്മിച്ച നെട്ടൂർ മസ്ജിദുൽ ഹിമായയുടെ ഉദ്ഘാടനം ഇന്ന് (വ്യാഴം) ഉച്ചതിരിഞ്ഞ് 2.30 ന് ലുലു ഗ്രൂപ്പ് ചെയർമാൻ എം.എ യൂസഫലി ഓൺലൈനിലുടെ നിർവഹിക്കും.

എം.എ യൂസഫലിയുടെ പത്നി സാബിറ യൂസഫലി അവരുടെ മാതാവിന്റെ പേരിൽ പുനർനിർമ്മിച്ചതാണ് പള്ളി. മൂന്ന് നിലകളിലായി 16,000 സ്ക്വയർ ഫീറ്റിലാണ് പളളിയുടെ നിർമ്മാണം.

താഴെത്തെ നിലയിൽ ശീതികരിച്ചിട്ടുള്ള പള്ളിയിൽ മൂന്നുനിലകളിലുമായി 1800പേർക്ക് ഒരേ സമയം പ്രാർത്ഥിക്കാം. യാത്രക്കാരായ സ്ത്രീകൾക്ക് പ്രാർത്ഥനയ്ക്കു പ്രത്യേക സൗകര്യവും ഇതോടൊപ്പം ഒരുക്കിയിട്ടുണ്ട്. ചടങ്ങിൽ മസ്ജിദുൽ ഹിമായ പ്രസിഡന്റ് പി.കെ. അബ്ദുൾ മജീദ് അധ്യക്ഷത വഹിക്കും.