പ്രവൈഗ് തങ്ങളുടെ പുതിയ ഇലക്ട്രിക് എസ്‌യുവിയായ ഡെഫി അവതരിപ്പിച്ചു; അഞ്ച് ഇന്റീരിയർ കളർ ഓപ്ഷനുകൾ വാഗ്ദാനം ചെയ്യുന്ന പ്രവൈഗ് ഡിഫൈ ഇലക്ട്രിക് എസ്‌യുവിയെക്കുറിച്ച്  കൂടുതലറിയാം..

പ്രവൈഗ് തങ്ങളുടെ പുതിയ ഇലക്ട്രിക് എസ്‌യുവിയായ ഡെഫി അവതരിപ്പിച്ചു. 51,000 രൂപ ടോക്കൺ തുകയിൽ വാഹനത്തിന്റെ ബുക്കിംഗ് ആരംഭിച്ചു, അതേസമയം 2023 മൂന്നാം പാദത്തോടെ ഡെലിവറികൾ ആരംഭിക്കുമെന്ന് പ്രതീക്ഷിക്കുന്നു. ഓഫ്-റോഡിംഗ് മിലിട്ടറി പതിപ്പായ വീറിനൊപ്പം ഡെഫിയും പ്രദർശിപ്പിച്ചു. ഇലക്ട്രിക് എസ്‌യുവിക്ക് നിലവിൽ ഒമ്പത് മാസത്തെ കാത്തിരിപ്പ് കാലാവധിയുണ്ടെന്ന് കമ്പനി അവകാശപ്പെടുന്നു.

സിയാച്ചിൻ ബ്ലൂ, വെർമില്യൺ റെഡ്, കാസിരംഗ ഗ്രീൻ, ലിഥിയം, ബാര്ഡോ, ഹിന്ദിഗോ, ഗ്രീൻ, മൂൺ ഗ്രേ, ഷാനി ബ്ലാക്ക്, ഹാൽഡി യെല്ലോ, എംപറർ പർപ്പിൾ എന്നിവ ഉൾപ്പെടുന്ന ഒമ്പത് ബാഹ്യ ബോഡി കളർ ഓപ്ഷനുകളിലാണ് ഇലക്ട്രിക് എസ്‌യുവി വാഗ്ദാനം ചെയ്യുന്നത്. കൂടാതെ, വാഹനം അഞ്ച് ഇന്റീരിയർ കളർ ഓപ്ഷനുകളും വാഗ്ദാനം ചെയ്യുന്നു. പ്രവൈഗ് ഡിഫൈ ഇലക്ട്രിക് എസ്‌യുവിയെക്കുറിച്ച്  കൂടുതലറിയാം

402ബിഎച്ച്പിയും 620എൻഎം ടോർക്കും ഉൽപ്പാദിപ്പിക്കുന്ന 90.2kWh ബാറ്ററിയാണ് ഡ്യുവൽ ഇലക്ട്രിക് മോട്ടോറിന് കരുത്തേകുന്നത്. ഓൾ വീൽ ഡ്രൈവ് വാഹനത്തിന് 500 കിലോമീറ്ററിലധികം ഡ്രൈവിംഗ് റേഞ്ച് നൽകുമെന്ന് കമ്പനി അവകാശപ്പെടുന്നു. വെറും 4.9 സെക്കൻഡിൽ പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ ഇലക്ട്രിക് എസ്‌യുവിക്ക് കഴിയും, ഉയർന്ന വേഗത മണിക്കൂറിൽ 210 കിലോമീറ്ററായി പരിമിതപ്പെടുത്തിയിരിക്കുന്നു.

ഫാസ്റ്റ് ചാർജിംഗ് വെറും 30 മിനിറ്റിനുള്ളിൽ പൂജ്യം മുതൽ 80 ശതമാനം വരെ ചാർജിംഗ് സാധ്യമാക്കുന്നു. 2,50,000 കിലോമീറ്ററാണ് വാഹനത്തിന്റെ ബാറ്ററി ലൈഫ് എന്നതാണ് ശ്രദ്ധേയം. ഒന്നിലധികം ചാർജർ ഓപ്പറേറ്റർമാരുമായി പങ്കാളിത്തമുണ്ടെന്ന് കമ്പനി അവകാശപ്പെടുന്നു, കൂടാതെ ഓരോ ദിവസവും 100 ചാർജറുകൾ നെറ്റ്‌വർക്കിലേക്ക് ചേർക്കുന്നതായി റിപ്പോർട്ട് ചെയ്യുന്നു. അളവുകളുടെ കാര്യത്തിൽ, പ്രവൈഗ് ഡിഫിയുടെ നീളം 4.96 മീറ്ററാണ്, ഗ്രൗണ്ട് ക്ലിയറൻസ് 234 എംഎം ആണ്.