ഇന്ത്യയുടെ മൂന്ന് ജനപ്രിയ മിഡ്-സൈസ് എസ്‌യുവികൾ സിഎൻജി ഇന്ധന ഓപ്ഷനുകളിൽ ഉടൻ വാഗ്ദാനം ചെയ്യും; ഫാക്ടറിയിൽ ഘടിപ്പിച്ച CNG കിറ്റിനൊപ്പം വാഗ്ദാനം ചെയ്യുന്ന സെഗ്‌മെന്റിലെ ആദ്യ മോഡലിന്റെ പ്രത്യേകതകൾ നോക്കാം..

സിഎൻജി ഇന്ധന ഓപ്ഷനുകളിൽ ഇന്ത്യയുടെ മൂന്ന് ജനപ്രിയ മിഡ്-സൈസ് എസ്‌യുവികൾ ഉടൻ വാഗ്ദാനം ചെയ്യും. ടൊയോട്ട ഹൈറൈഡർ സിഎൻജിയുടെ ബുക്കിംഗ് ഔദ്യോഗികമായി 25,000 രൂപയ്ക്ക് ആരംഭിച്ചു. ഫാക്ടറിയിൽ ഘടിപ്പിച്ച CNG കിറ്റിനൊപ്പം വാഗ്ദാനം ചെയ്യുന്ന സെഗ്‌മെന്റിലെ ആദ്യത്തെ മോഡലായിരിക്കും ഇത്.

വിറ്റാര, ഹൈറൈഡർ സിഎൻജി മോഡലുകൾ അടുത്ത മാസം നിരത്തിലെത്തുമെന്ന് പ്രതീക്ഷിക്കുമ്പോൾ, ക്രെറ്റ സിഎൻജി 2023 ന്റെ തുടക്കത്തിൽ എത്തുമെന്ന് പ്രതീക്ഷിക്കുന്നു. മാരുതി ഗ്രാൻഡ് വിറ്റാര സിഎൻജിയും ടൊയോട്ട ഹൈറൈഡർ സിഎൻജിയും 5-സ്പീഡ് മാനുവൽ ഗിയർബോക്സുമായി ജോടിയാക്കിയ 1.5 എൽ, 4-സിലിഡ്നർ K15C പെട്രോൾ എഞ്ചിനിലാണ് വരുന്നത്.

സിഎൻജി കിറ്റിനൊപ്പം, എസ്‌യുവികൾ കിലോഗ്രാമിന് 26.10 കിലോമീറ്റർ ഇന്ധനക്ഷമത നൽകും. ഇതേ പവർട്രെയിൻ മാരുതി XL6 CNG-യിൽ 26.32km/kg എന്ന ക്ലെയിം മൈലേജ് വാഗ്ദാനം ചെയ്യുന്നു. സിഎൻജി മോഡിൽ, സജ്ജീകരണം 88 ബിഎച്ച്പി പവറും 121.5 എൻഎം ടോർക്കും നൽകും. അതിന്റെ സ്റ്റാൻഡേർഡ് രൂപത്തിൽ, പെട്രോൾ മൈൽഡ് ഹൈബ്രിഡ് യൂണിറ്റ് 103 ബിഎച്ച്പി പവറും 136 എൻഎം ടോർക്കും പുറപ്പെടുവിക്കുന്നു.

ടൊയോട്ട ഹൈറൈഡർ സിഎൻജി മിഡ്-സ്പെക്ക് എസ്, ജി വകഭേദങ്ങളിൽ ലഭ്യമാകുമെങ്കിലും, മാരുതി ഗ്രാൻഡ് വിറ്റാര സിഎൻജി എല്ലാ വേരിയന്റുകളിലും ലഭ്യമാക്കാം. പിൻവശത്ത് സിഎൻജി ബാഡ്‍ജ് ഉണ്ടാകും. എസ്‌യുവികളുടെ രൂപകൽപ്പനയിലും ഇന്റീരിയറിലും മാറ്റങ്ങളൊന്നും വരുത്തില്ല. ഹ്യുണ്ടായ് ക്രെറ്റ CNG 1.4L GDi ടർബോ പെട്രോൾ എഞ്ചിനും 6-സ്പീഡ് മാനുവൽ ഗിയർബോക്സും നൽകുമെന്ന് പ്രതീക്ഷിക്കുന്നു.

സിഎൻജി മോഡിൽ, പവർ, ടോർക്ക് ഔട്ട്പുട്ട് സാധാരണ പെട്രോൾ യൂണിറ്റിനേക്കാൾ കുറവായിരിക്കും. രണ്ടാമത്തേത് 138 ബിഎച്ച്പി കരുത്തും 242 എൻഎം ടോർക്കും നൽകുന്നു. 2023 ലെ ഡൽഹി ഓട്ടോ എക്‌സ്‌പോയിൽ ഇന്ത്യയിൽ അരങ്ങേറ്റം കുറിക്കുന്ന ഫെയ്‌സ്‌ലിഫ്റ്റ് മോഡലിനൊപ്പം ക്രെറ്റയുടെ സിഎൻജി പതിപ്പ് വാഗ്ദാനം ചെയ്തേക്കാം. രണ്ട് വർഷത്തിലൊരിക്കൽ നടക്കുന്ന ഓട്ടോമോട്ടീവ് ഇവന്റ് ജനുവരിയിൽ ഗ്രേറ്റർ നോയിഡയിൽ നടക്കും.