ചൈനീസ് വാഹന നിർമ്മാതാക്കളായ ക്വിയാൻജിയാങ്ങുമായുള്ള പങ്കാളിത്തത്തോടെ പുറത്തിറക്കിയ പുതിയ ഹാർലി ഡേവിഡ്‌സൺ X350 മോട്ടോർസൈക്കിളിന്റെ സവിശേഷതകൾ അറിയാം..

പുതിയ ഹാർലി ഡേവിഡ്‌സൺ X350 ചൈനീസ് വാഹന നിർമ്മാതാക്കളായ ക്വിയാൻജിയാങ്ങുമായുള്ള പങ്കാളിത്തത്തോടെ വികസിപ്പിച്ചു. പുതിയ HDX350 മോട്ടോർസൈക്കിളിൽ എൽഇഡി ഹെഡ്‌ലൈറ്റ്, ചതുരാകൃതിയിലുള്ള ഇന്ധന ടാങ്ക്, സ്‍കൂപ്പ് ചെയ്‍ത സിംഗിൾ പീസ് സീറ്റ്, ക്രാഷ് ഗാർഡ് എന്നിവയുണ്ട്. മോട്ടോർസൈക്കിളിന് സിംഗിൾ സീറ്റും സെൻട്രലി മൗണ്ടഡ് ഫൂട്ട് പെഗുകളും ഉണ്ട്, ഇത് വിശ്രമിക്കുന്ന റൈഡിംഗ് പൊസിഷൻ ഉറപ്പാക്കുന്നു.

അണ്ടർബെല്ലി എക്‌സ്‌ഹോസ്റ്റും വൃത്താകൃതിയിലുള്ള സെമി-ഡിജിറ്റൽ ഇൻസ്ട്രുമെന്റ് പോഡും ഇതിലുണ്ട്. ആറ് സ്പീഡ് ഗിയർബോക്‌സുമായി ജോടിയാക്കിയ 353 സിസി, ലിക്വിഡ് കൂൾഡ്, ഇൻ-ലൈൻ ഇരട്ട സിലിണ്ടർ എഞ്ചിനാണ് പുതിയ ഹാർലി ഡേവിഡ്‌സൺ X350 ന് കരുത്ത് പകരുന്നത്. ഈ എഞ്ചിന് 36 bhp കരുത്തും 7000 rpm-ൽ 31 Nm ടോര്‍ക്കും ഉത്പാദിപ്പിക്കാൻ കഴിയും.

മോട്ടോർസൈക്കിളിന് മണിക്കൂറിൽ 143 കിലോമീറ്റർ വേഗത കൈവരിക്കാൻ കഴിയും. മോട്ടോർസൈക്കിളിൽ 41 എംഎം ഇൻവേർട്ടഡ് റീബൗണ്ട് അഡ്ജസ്റ്റബിൾ ടൈപ്പ് ഫ്രണ്ട് ഫോർക്കും (യുഎസ്ഡി ഫ്രണ്ട് ഫോർക്ക്) ഓയിൽ-എയർ സെപ്പറേഷൻ, റിബൗണ്ട് ഡാംപിംഗ് അഡ്ജസ്റ്റബിൾ പ്രീലോഡ് അഡ്‍ജസ്റ്റബിൾ ഷോക്ക് അബ്സോർബറും പിൻഭാഗത്ത് ഉണ്ട്.

മുന്നിൽ ഡ്യുവൽ ഡിസ്‌ക് സജ്ജീകരണവും പിന്നിൽ സിംഗിൾ ഡിസ്‌കും ഇതിലുണ്ട്. പുതിയ മോട്ടോർസൈക്കിളിന് 2,110 എംഎം നീളവും 817 എംഎം സീറ്റ് ഉയരവും ഉണ്ട്. മോട്ടോർസൈക്കിളിന് 185 എംഎം ഗ്രൗണ്ട് ക്ലിയറൻസും 1,410 എംഎം വീൽബേസും ഉണ്ട്. 17 ഇഞ്ച് വീലുകളിൽ 353 സിസി എച്ച്‌ഡിഎക്‌സ് 350 റൈഡുകൾ യഥാക്രമം മുന്നിലും പിന്നിലും യഥാക്രമം 120/70, 160/60 സെക്ഷൻ ടയറുകളാണുള്ളത്.