റിവേഴ്‍സ് മോഡ് ഓപ്ഷനുമായി എത്തുന്ന BG C12 EV സ്‌കൂട്ടര്‍ വിശേഷങ്ങൾ അറിയാം..

വാഹന വിപണിയിൽ ഇലക്ട്രിക് സ്കൂട്ടറുകൾക്ക് ആവശ്യക്കാർ വർധിക്കുന്നു. ആളുകളുടെ ആവശ്യങ്ങൾക്കനുസരിച്ച് കമ്പനികളും ഈ സ്‌കൂട്ടറുകളിൽ ഫീച്ചറുകൾ നൽകുന്നുണ്ട്. ഇത് മനസ്സിൽ വെച്ചുകൊണ്ട്,  ഇലക്ട്രിക് വാഹന വ്യവസായത്തിലെ അറിയപ്പെടുന്ന പേരായ ബിഗൌസ് കമ്പനി അതിന്റെ BG C12 EV സ്‌കൂട്ടര്‍ അവതരിപ്പിച്ചിരിക്കുന്നു.

റിവേഴ്‍സ് മോഡ് ഓപ്ഷനുമായാണ് ഈ സ്‍കൂട്ടര്‍ എത്തുന്നത്. വിപരീത ദിശയിൽ, സ്‍കൂട്ടര്‍ മണിക്കൂറിൽ മൂന്ന് കിലോമീറ്റർ വേഗതയിൽ നീങ്ങുന്നു. കമ്പനിയുടെ വെബ്‌സൈറ്റ് പറയുന്നത് അനുസരിച്ച്, ഒരിക്കൽ പൂർണ്ണമായി ചാർജ് ചെയ്താൽ, ഈ സ്‌കൂട്ടർ ഏകദേശം 143 കിലോമീറ്റർ റേഞ്ച് നൽകുന്നു. ഈ സ്കൂട്ടറിന് 2500 W മോട്ടോർ ഉണ്ട്. ഇത് മണിക്കൂറിൽ 50 കിലോമീറ്റർ വേഗത നൽകുന്നു.

ഈ സ്‌കൂട്ടർ വെറുംന എട്ട് സെക്കൻഡിനുള്ളിൽ മണിക്കൂറിൽ പൂജ്യത്തില്‍ നിന്നും 40 കിലോമീറ്റർ വേഗത കൈവരിക്കും. ഈ സ്കൂട്ടർ പൂർണ്ണമായി ചാർജ് ചെയ്യാൻ ആറ് മണിക്കൂർ എടുക്കും. ഇതിന്റെ ഉയരം 1190 മില്ലിമീറ്ററാണ്. ട്യൂബ്‌ലെസ് ടയറുകൾ ഇതിൽ നൽകിയിട്ടുണ്ട്, സ്‌കൂട്ടറിന് മുന്നിലും പിന്നിലും ഡ്രം ബ്രേക്കുകൾ ഉണ്ട്. ഇത് യാത്ര സുരക്ഷിതമാക്കുന്നു.